नागोठणे : गावठी दारूची हातभट्टी उध्वस्त; आरोपी जेरबंद

नागोठणे ( महेंद्र माने ) :

पोलीस ठाण्याच्या हद्दीतील डोंगराळ भागातील धनगरवाडी – कुहीरे येथील अवैधरित्या सुरु असलेल्या गावठी दारूच्या हातभट्टया नागोठणे पोलीस ठाण्याचे सहा.पोलिस निरीक्षक सचिन कुलकर्णी यांच्या मार्गदर्शनाखाली पोलिस पथकाने धाड टाकून एक हातभट्टी उध्वस्त केली. या धाडीत एकूण 40 लिटर गावठी दारू, 400 लिटर दारू बनविण्याचे गूळ मिश्रित रसायन असा एकूण 18 हजार 450 रुपयाचे रसायन व दारू तयार करण्यासाठी लागणारे साहित्य जागीच पेटवून नष्ट करण्यात आले असून आरोपीला अटक केली आहे.

पोलिसांनी दिलेल्या माहितीनुसार गावठी दारु विरोधी मोहिमेचाच एक भाग म्हणून नागोठणे पोलीस ठाणेच्या हद्दीतील पेण तालुक्यातील धनगरवाडी – कुहीरे येथील एका अवैध गावठी दारू हातभट्टीवर गुरुवार 07 सप्टेंबर रोजी कारवाई करीत 4 हजार 50 रुपये कींमतीचे दोन कॅनमध्ये अंदाजे 40 लीटर गावठी दारू तसेच 14 हजार 400 रुपये किंमतीचे लोखंडी टाक्या, अंदाजे 400 लीटर गुळमिश्रित नवसागर रसायन असे एकुण 18 हजार 450 रुपयाचे मुद्देमाल जागीच पेटवून नष्ट करण्यात आले असून आरोपीला अटक केली आहे. पुढील तपास सहा. पोलिस निरीक्षक सचिन कुलकर्णी यांच्या मार्गदर्शनाखाली पो.हवा. संदेश सानप करीत आहेत.