नागोठणे आरोग्य केंद्रात आपत्कालीन औषधांचा पुरेसा साठा उपलब्ध : डॉ. आदित्य सिरसाट

nagothane-phc

नागोठणे आरोग्य केंद्रात आपत्कालीन औषधांचा पुरेसा साठा उपलब्ध : डॉ. आदित्य सिरसाट

नागोठणे ( महेंद्र माने ): येथील प्राथमिक आरोग्य केंद्रात आपत्कालीन काळात साप, विंचू, कुत्रा व इतर कीटक – प्राणी चावल्यानंतर तसेच धनुर्वात अश्या सर्व प्रकारच्या लसी व इतर आजारावरील औषधांचा पुरेसा साठा उपलब्ध असल्याची माहिती आरोग्य केंद्रातील वैद्यकीय अधिकारी डॉ. आदित्य सिरसाट यांनी दिली.
अधिक माहिती देताना डॉ. सिरसाट यांनी सांगितले की, यावर्षी पाऊस मोठ्या प्रमाणात असून नागोठणे शहर व परिसरात या काळात पुर परिस्थिति निर्माण होते या पुराच्या पाण्यातून वेगवेगळे जन जनावर येत असतात व ते चावण्याचे प्रमाण मोठ्या प्रमाणात असते तसेच शहारच्या परिसरात खेडेगाव व आदिवासी वाड्या मोठ्या प्रमाणात आहेत. येथील गरीब जनतेला आपल्या आजारासाठी व महिलांना प्रसुतीसाठी येथील प्राथमिक आरोग्य केंद्रावरच अवलंबून राहावे लागते.
केंद्रामध्ये दररोज साधारण 70 ते 80 रुग्ण उपचारासाठी येत असतात त्यामध्ये पावसाळ्यात होणार्‍या आजारासाठी रुग्ण संख्या वाढण्याची शक्यता लक्षात घेऊन आपल्या केंद्रात आज मितीस अॅंटी स्नेक (साप) व्हेनम – 140, अॅंटी स्कार्पिओ (विंचू) व्हेनम – 40, कुत्रा चावणे – 25 तसेच धनुर्वात – 90 लसी असून इतर रोगांवरील पुरेश्या गोळ्या व औषधेही उपलब्ध आहेत.
तसेच दर महिन्याच्या पहिल्या आठवड्यात केंद्रातून अधिक औषधांची मागणी केली जात असल्याचे सांगून यामध्ये कुत्रा चावणे लस व धनुर्वातावरील इंजेक्शन तसेच इतर आजारावरील औषधेही जास्तीत जास्त प्रमाणात मिळणे गरजेचे असल्याचे शेवटी डॉ. सिरसाट यांनी माहिती देताना सांगितले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading