जैन सकल संघाच्या वतीने बुधवार 11 डिसेंबर रोजी सकाळी 08.30 वाजता नागोठणे नगरीत नगरचर्याचे म्हणजेच मंदिरातुन बाहेर पालखीतून नगर प्रदक्षिणा मारणे याचे आयोजन करण्यात आले होते. 150 वर्षा नंतर परम पूज्य आचार्य भगवंत देवकीर्तीसूरीश्र्वरजी महाराज व परमपूज्य पन्यासप्रवर रत्नकीर्ती महाराज यांच्या उपस्थितीत निघालेल्या या नगर चर्यात 17 रथांमधून देव देवतांची पालखी मिरवणूक काढण्यात आली होती. यामध्ये सकल जैन समाजासह नागोठणे शहर व विभागातील भाविक सहभागी झाले होते.
150 वर्षापूर्वी नागोठणे गावात नवीन जैन मंदिर बांधल्यानंतर नगर चर्या निघाली होती.त्यानंतर आता त्या मंदिराचे जिर्णोध्दार करून भव्य मंदिर बांधण्यात आले आहे. सदरील जनचर्या ही जन-जन चे सुख-शांती-समृद्धि आणि अध्यात्म उन्नतिसाठी जीवनभर आपली कृपादृष्टी नागोठणे नगरीवर ठेवणारे नागोठणे अधिष्टाज तीर्थंकर परमात्मा श्री चंद्रप्रभस्वामी दादांची 150 वर्षानंतर नगरचर्या म्हणजेच मंदिरातुन बाहेर पालखीतून नगर प्रदक्षिणा मारणे हा धार्मिक कार्यक्रमात मंदिरातील पूर्वीचे देव देवता व आता नवीन मंदिरात स्थापन करण्यात येणार्या देवदेवतांची शहरातून 17 रथांमध्ये भव्य पालखी मिरवणूक काढण्यात आली.
दुःख, दारीद्र नाश करुन सर्व प्रकारची भरभराटी म्हणुन जैन-अजैन सर्वांच्या घरी परम पूज्य आचार्य भगवंत देवकीर्तीसूरीश्र्वरजी महाराज व परमपूज्य पन्यासप्रवर रत्नकीर्ती महाराज यांच्या उपस्थितीत अमृतदृष्टि वर्षाव करण्यात आली असून यामागे त्यांच्या कृपादृष्टीने सर्वाना सुख-शांती लाभावी अशी सर्वांची मना:पासुन भावना असून या पालखीचे नागोठणे वासीयांनी कमान उभारून स्वागत फलक लावण्यात येऊन आपल्या घरासमोर रांगोळी काढून आलेल्या प्रत्येक देवदेवतांची पूजा अर्चा करीत त्यांच्यावर फुले व अक्षता अर्पण करीत मनोभावे पूजा केली.
जैन मंदिर मधून निघालेली सदरील पालखी मिरवणूक ही छत्रपती शिवाजी महाराज बाजार पेठ, छत्रपती शिवाजी महाराज चौक,ग्रामपंचायत कार्यालय, ग्राम देवता जोगेश्वरी माता मंदिर मार्गे गांधी चौक, के.एम.जी. विभाग प्रवेश द्वार,खुमाचा नाक्यावरून पुन्हा जैन मंदिरात आणण्यात आली. या धार्मिक कार्यक्रमात जैन समाजासह नागोठणे शहर व विभागातील भाविकांनी मोठ्या भक्तिभावाने सहभाग घेतला होता. उपस्थित भाविकांचे सकल जैन समाज्याच्या वतीने श्री चंद्रप्रभ महाराज ट्रस्टचे अध्यक्ष,पदाधिकारी व सर्व सदस्यांनी आभार मानले.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.