दैनिक ‘सामना’ चे वृत्त संपादक राजेश पोवळे यांना पितृ शोक; ज्येष्ठ सामाजिक कार्यकर्ते ‘पद्माकर पोवळे’ यांचं निधन

पेण : 

ज्येष्ठ सामाजिक कार्यकर्ते तसेच दैनिक सामनाचे वृत्त संपादक राजेश पोवळे यांचे वडील पद्माकर पोवळे यांचे वयाच्या 85 व्या वर्षी सोमवार 07 एप्रिल रोजी सकाळी अल्पशा आजाराने ठाणे येथील त्यांच्या निवासस्थानी निधन झाले. तसेच धार्मिक वृत्तीचे व मनमिळाऊ स्वभावाचे पद्माकर पोवळे हे पोस्टामध्ये दीर्घकाळ सेवेतून निवृत्त होत काही वर्षापासून ठाणे येथे रहात होते.

सोमवारी सकाळी त्यांना अस्वस्थ वाटू लागल्याने रुग्णालयात दाखल केले पण त्यापूर्वीच त्यांची प्राणज्योत मालवली. त्यांच्या पार्थिवावर सायंकाळी जवाहर बाग येथील स्मशानभूमीत अंत्यसंस्कार करण्यात आले.

पद्माकर पोवळे यांच्या पश्चात राजेश व निलेश हे दोन मुले, दीपाळी पैठणकर ही विवाहित मुलगी तसेच सुना, जावई,नातवंडे असा मोठा परिवार आहे.

त्यांचे दशक्रिया विधी बुधवार 16 एप्रिल रोजी तर उत्तर कार्य शनिवार 19 एप्रिल रोजी ठाणे येथील राहत्या घरी होणार असल्याची माहिती पोवळे कुटुंबियांकडून देण्यात आली आहे.