दिवाळीआधीच राजकीय धमाका; सुधाकर घारेंचा कार्यकर्त्यांसह राजीनामा, अजित पवार गटाला कर्जतमध्ये मोठा धक्का !

Sudhakar Ghare
कर्जत ( गणेश पवार ) :
राष्ट्रवादी अजित पवार गटाचे स्थानिक नेते सुधाकर घारे हे विधानसभा निवडणूक लढवणार हे जाहीर होत. मात्र ते नक्की कुठल्या पक्षातून निवडणूक लढवणार हा तिढा काही सुटत नव्हता. त्यामुळे कर्जत मतदारसंघात वेगवेगळे तर्क वितर्क लढवले जात होते. मात्र अशातच आज पत्रकार परिषदेत घेत सुधाकर घारे यांनी दिवाळीआधीच मोठा राजकीय स्फोट केला आहे. पत्रकार परिषदेत राष्ट्रवादी काँग्रेस अजित पवार गटाचा घारे यांच्यासह संपूर्ण कर्जत खालापूर मधील कार्यकर्त्यांनी सरसकट राजीनामा देत असल्याचं जाहीर केलं आहे. त्यामुळे आता सुधाकर घारे यांच्या भूमिकेकडे लक्ष लागलं आहे.
कर्जत मतदारसंघात लोकसभा निवडणुकीपासून विधानसभेसाठी महायुतीमध्ये रस्सीखेच सुरू होती. महाविकस आघाडी जरी शांत दिसत असली तरी अंतर्गत संघर्ष सुरूच आहे. अशात महायुतीमध्ये घटक पक्ष असलेल्या भाजप, शिवसेना शिंदे गट व राष्ट्रवादी काँग्रेस अजित पवार गटाकडून इच्छुकांची गर्दी दाटली होती. राष्ट्रवादी काँग्रेसमधून सुधाकर घारे यांनी विधानसभेसाठी तयारी सुरू केली होती. 
विद्यमान आमदार महेंद्र थोरवे हे देखील पुन्हा एकदा विधानसभेसाठी तयारी केली होती. अशात महायुतीचे तिकीट आपल्याच मिळणार असं दोघेही ठणकावून सांगत होते. त्यातच भाजपमधून किरण ठाकरे यांनी देखील विधानसभेसाठी दावेदारी केली होती. विधानसभेचे बिगुल वाजले तरी कोणाचीही अधिकृत उमेदवारी महायुतीने जाहीर केली नाही.

Nca

 

कर्जत विधानसभा मतदारसंघात सुधाकर घारे व महेंद्र थोरवे अशीच प्रमुख लढत होणार असल्याचे राजकीय वर्तुळात बोलले जात आहे. मात्र सुधाकर घारे हे कोणत्या पक्षाकडून उमेदवारी लढवणार हे त्यांनी अनेकदा सभा घेऊन देखील जाहीर केले नाही. त्यामुळे त्यांच्या उमेदवारीचा तिढा कायम होता. घारे कधी तुतारी हाती घेणार तर कधी मशाल अशा चर्चा मतदारसंघात रोज सुरू होत्या. मात्र दिनांक २२ ऑक्टोबर रोजी सायंकाळी पत्रकार परिषद घेत सुधाकर घारे यांनी थेट राष्ट्रवादी काँग्रेस पक्षाचा राजीनामा देत असल्याचे जाहीर केले. कार्यकर्त्यांनी देखील आपले राजीनामे दिले असल्याचे जाहीर केल्याने दिवाळी आधीच कर्जत मतदारसंघात राजकीय फटाके फुटले आहेत.
यावेळी २५ ऑक्टोबर रोजी जाहीर सभा घेऊन आपले चिन्ह आणि उमेदवारी कर्जतच्या ऐतिहासिक पोलीस मैदानात जाहीर करणार असे घारे यांच्य वतीने पक्षाचे सरचिटणीस भरत भगत यांनी जाहीर केले. तेव्हा आता घारे नक्की करणार तरी काय ? अपक्ष लढणार की कुठल्या पक्षाचा आधार घेणार हे शुक्रवारी स्पष्ट होणार आहे. तूर्तास तरी घारे यांनी राष्ट्रवादीचा राजीनामा दिल्याने ऐन निवडणुकीत राष्ट्रवादी काँग्रेस अजित पवार गटाला कर्जतमध्ये मोठा धक्का बसला आहे. सबंध जिल्ह्यात यामुळे मोठी खळबळ माजली आहे.

Uran Ekaveera Travels

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading