दादर, प्रभादेवी, माटुंगा येथील झोपडीधारकांचं पुनर्वसन करण्याचं आदेश देऊनही MMRDA कडून दिरंगाई

मुंबई (शांताराम गुडेकर) : 

पश्चिम रेल्वेच्या जमिनीवरील साईनाथ नगर एलन्फिस्टन रोड (प्रभादेवी), चेतन हनुमान नगर, दादर (पूर्व), कमला रमण नगर २, माटुंगा रोड व न्यु गणेश नगर माटुंगा रोड आणि माहीम रेल्वे लगत असलेल्या ४९५ प्रकल्पग्रस्त झोपडीधारकांचे MUTP -2 B. PAP अंतर्गत पुर्नवसन करणे बाबत महाराष्ट्र शासन नगर विकास द्वारा एकूण ४९५ झोपडी धारकांचे पुनर्वसन करण्यासाठी आदेश दिले होते त्याचा दि २९ जानेवारी २०२५ पत्र क. एमएमआरडी-३३२४/प्र.क्र.३४ /नवि-७ मधून देण्यात आले होते.

मात्र अद्याप एम, एम.आर.डी.ए.चे आयुक्त संजय मुखर्जी यांच्याकडून यासंदर्भात झोपडीधारकांना न्याय दिला जात नाही. दादर, प्रभादेवी,माटुंगा, येथील झोपडीधारकांचे पुनर्वसन करण्याचे आदेश देऊनही एम,एम.आर.डी.ए.कडून दिरंगाई होत आहे. असे झोपडीधारक बोलत आहेत.

विद्याविहार विभागात एम, एम.आर.डी.ए. अंतर्गत पुनर्वसन साठी राखीव इमारती तयार असून त्याठिकाणी रहिवाश्यांना स्थलांतरित करण्यात यावे अशी मागणी स्थानिक झोपडीधारक यांनी आयुक्त एम, एम.आर.डी.ए. यांच्याकडे केली आहे. परंतु अद्याप त्यांना त्या ठिकाणी शासनाचे आदेश असूनही स्थलांतरित केलेली नाही. संबंधित झोपडीधारकांनी अजून किती वर्ष न्यायाच्या प्रतीक्षेत रहायचे असा प्रश्न आता स्थानिक झोपडीधारकांना पडला आहे.याबाबत स्थानिक आमदार महेश सावंत यांनी सुद्धा संबंधित विभागाकडे लवकरात लवकर झोपडीधारकांन न्याय द्यावा अशी मागणी केली आहे.

—————————————

माहीम, माटुंगा विभागातील ४९५ झोपडीधारकांचे पुनर्वसनाचे काम विदयाविहार (प) (HDL) प्रिमियर प्रोजेक्ट इमारत क. ३० या ठिकाणी लवकरात लवकर करण्यात यावे, तसेच गेली अनेक वर्षे प्रलंबित असलेला प्रश्न आपण दूर करावा. अशी विनंती अर्ज मागणी डॉ. संजय मुखर्जी, आयुक्त, एम, एम.आर.डी.ए.बी. के.सी., वांद्रे (पूर्व), मुंबई यांच्याकडे पत्राद्वारे केली आहे.

…महेश सावंत, आमदार(माहीम विधानसभा)