तिहेरी हत्याकांड प्रकरणी संशयित आरोपी नेरळ पोलीसांच्या ताब्यात

कर्जत ( गणेश पवार ) : 

नेरळ पोलीस स्टेशन हद्दीतील मौजे चिकन पाडा येथे राहाणार ३५ वर्षीय तरुण मदन पाटील व त्याची गरोदर पत्नी अनिशा मदन पाटील तसेच मुलगा विवेक मदन पाटील यांचा मृत देह घराजवळ असलेल्या ओहळा मध्ये सापडल्याची घटना घडली होती. तर सदर सापडलेल्या तीनही मृतदेहाच्या अगावरील झालेल्या घावाच्या जखमा दिसत असल्याने हे हत्याकांड की आत्महत्या? असा प्रश्न उपस्थित होत असताना, मात्र पोलीसांना हे हत्याकांड असल्याचा संशय असल्याने या तिहेरी हत्याकांड प्रकरणी रायगड जिल्हा पोलीस अधीक्षक सोमनाथ घार्गे यांच्या प्रमुख मार्गदर्शनाखाली कर्जत उपविभागीय पोलीस अधिकारी धुळा टेळे यांच्या मुख्य अधिकाराखाली पोलीसांच्या पाच टीम तसेच अलिबाग क्राईम ब्रांच पथक यांच्या माध्यमातून तपासाची सुत्रे ही वेगाने फिरवत सदर तिहेरी हत्याकांड प्रकरणी मुख्य संशयीत म्हणून मृत मदन पाटील यांचा लहान भाऊ हनमंत पाटील याला चौकशी करीता ताब्यात घेतले असल्याचे समजते. तर हनमंत पाटील याची पत्नी व एका मित्राला ही चौकशी करीता बोलवण्यात आल्याचे खात्रीलायक सुत्राकडून समोर येत आहे.

 सदर तीनही मृतदेहांचे मुंबई येथील जे जे रूग्णालयात शवविच्छेदन करून तीनही मृतदेह हे नातेवाईकांच्या ताब्यात देण्यात आले असुन, नातेवाईकांकडून तीनही मृतदेहांवर कर्जत तालुक्यातील बोरगाव या ठिकाणी अंत्यसंस्कार करण्यात आले आहे.

सदर तिहेरी हत्याकांडाची घटना ही ऐन गणेशोत्सवामध्ये घडल्याने व या घटनेट लहान मुलगा व पत्नी अनिशा मदन पाटील सात महिन्याची गरोदर असल्याने तीच्या गर्भात वाढणाऱ्या निष्पाप अब्रुकाचा जन्माला येण्या आधी त्या अब्रकाचे जिवन सपले असल्याने, ही हृदय हेलवणारी घटना असल्याने मात्र सदर तिहेरी हत्याकांड गुन्ह्याची उकल पोलीस कशी करणार या कडे सर्वांचे लक्ष लागले आहे.