डिझेल चोरी प्रकरणी टोळीतील दोघे गजाआड

पनवेल : 

डिझेल चोरी प्रकरणी एका टोळीतील दोघा जणांना पनवेल तालुका पोलिसांनी गजाआड केले आहे.

पनवेल तालुका हद्दीतील मुंबई-पुणे महामार्गावरील अमेठी युनिर्व्हसिटीच्या जवळ एका टोळीने तीन ते चार वाहनांच्या चालकांना धारदार शस्त्राचा धाक दाखवून त्यांच्या गाड्यांमधून जवळपास 900 लिटर डिझेल ज्याची किंमत 75 हजार रुपये इतकी होती. अशा प्रकारे घटना घडल्याने याबाबतची तक्रार पनवेल तालुका पोलीस ठाण्यात करताच वपोनि गजानन घाडगे यांच्या मार्गदर्शनाखाली गुन्हे प्रकटीकरण शाखेच्या पथकाने आरोपी असद ताहीर शेख (30 रा.तक्का) याला ताब्यात घेतले होते. त्यानंतर इतर टोळी पसार झाली होती. त्यातील सोहेल खान (26 रा.तुर्भे) याला ताब्यात घेण्यात आले आहे व त्याच्या इतर साथीदारांचा शोध पोलीस उपनिरीक्षक राजपूत करीत आहेत.