PEN न्यूज ऑनलाइन टीम :
अडचणीत सापडलेल्या व्होडाफोन आयडिया (Vi) ला सरकारने दिलासा दिला आहे. भारत सरकार ३६,९५० कोटी रुपयांचे शेअर्स खरेदी करून कंपनीतील आपला हिस्सा ४८.९९% पर्यंत वाढवणार आहे.
कंपनीने स्टॉक एक्सचेंजला दिलेल्या माहितीनुसार, सरकारकडे सध्या २२.६% भागीदारी आहे. स्पेक्ट्रम लिलाव थकबाकीच्या रूपांतरणामुळे सरकारचा हिस्सा वाढणार आहे. १० रुपयांच्या दर्शनी मूल्याचे ३,६९५ कोटी शेअर्स जारी करण्याचे निर्देश देण्यात आले आहेत.
विश्लेषकांच्या मते, सरकारचा वाढलेला हिस्सा बँकांना कंपनीला कर्ज देण्यासाठी अधिक आत्मविश्वास देऊ शकतो. मात्र, सरकारी भागीदारी ५०% च्या वर गेल्यास Vi सार्वजनिक क्षेत्रातील कंपनी होण्याची शक्यता आहे, असे तज्ज्ञांचे मत आहे.
