चोंढी येथे शिवजयंती साजरी

अलिबाग/सोगांव (अब्दुल सोगावकर ) :

अलिबाग तालुक्यातील चोंढी येथे किहीम सरपंच पिंट्या गायकवाड यांच्या कार्यालयात गुरुवार दि. २८ मार्च रोजी तिथीप्रमाणे शिवजयंती मोठ्या उत्साहात साजरी करण्यात आली.

यावेळी सकाळी ९ वाजता छत्रपती शिवाजी महाराज यांच्या अर्धपुतळ्याचे विधीवत पूजन करून पुष्पहार अर्पण करत अभिवादन करण्यात आले. त्यानंतर हाशिवरे विभागातील व किहीम येथील शिवप्रेमींनी शिवज्योत आणल्यानंतर त्या शिवज्योतीचे पिंट्या गायकवाड मित्रमंडळातर्फे पुष्पहार अर्पण करून भव्य स्वागत करण्यात आले.

यावेळी उपस्थित सर्व शिवप्रेमींना किहीम सरपंच पिंट्या गायकवाड यांच्या वतीने अल्पोपहार, थंडपेय याची व्यवस्था करण्यात आली. या कार्यक्रमाला चोंढी पंचक्रोशीतील शिवप्रेमी मोठ्या संख्येने उपस्थित होते.