Matheran : वाहन तळाच्या नवीन ठेक्यामुळे नगरपरिषदेच्या तिजोरीत तीप्पट भर!

matheran-nagarpalika
माथेरान ( मुकुंद रांजाणे ) : माथेरान नगरपरिषदेला प्रवासी कर आणि वाहन कराच्या माध्यमातून भरीव उत्पन्न मिळते. या वाहन कराच्या ठेक्याची मुदत १५ जून रोजी संपलेली असताना सुध्दा नगरपरिषद प्रशासनाकडून ठेकेदाराचे हित जोपासण्यासाठी दीड महिन्यापेक्षाही अधिक मुदत वाढत चालली आहे. त्यामुळे नगरपरिषदेला आर्थिक झळ सोसावी लागली आहे.
matheran-fog
शुक्रवार दि.४ रोजी वाहन कराचा तीन वर्षाकरिता साठी ठेका लिलाव पद्धतीने घेण्यात आला होता यामध्ये एकूण सहा ठेकेदारांनी आपले नशीब अजमावण्याचा प्रयत्न केला होता. नगरपरिषदेला या ठेक्याच्या माध्यमातून केवळ ५५ लाख रुपये अपेक्षित होते. सकाळी नऊ वाजता लिलाव पद्धत सुरू झाली होती अखेर सायंकाळी चिन्मय एंटरप्राइजेसने सर्वाधिक एक कोटी पाच लाख रुपयांची बोली करून हा वाहन कराचा ठेका तीन वर्षासाठी आपल्या पारड्यात पाडून घेतला आहे.
matheran
याअगोदर हाच ठेका मागील ठेकेदाराला फक्त पंचेचाळीस लाख साठ हजार रुपयांत तीन वर्षासाठी देण्यात आला होता. त्या ठेकेदाराची मुदत १५ जून २०२३ रोजी संपलेली असून त्याने प्रतिदिन ४१६५ रुपये प्रमाणे तीन वर्षासाठी नगरपरिषदेकडे जमा केले होते. आता हाच ठेका चिन्मय इंटरप्राइजेस याना प्राप्त झाला असून त्यांच्याकडून प्रतिदिन ९५८९ रुपयांप्रमाणे तीन वर्षासाठी रक्कम जमा होऊ शकते. त्यामुळे नगरपरिषदेच्या तिजोरीत भर पडणार आहे. याकामी नवीन  ठेकेदाराला नगरपरिषद प्रशासनाने ताबडतोब वर्क ऑर्डर देऊन कामाचा ठेका देण्यासाठी तत्परता दाखवणे आवश्यक आहे. अन्यथा मागील ठेकेदाराला मुदत वाढ देऊन नगरपरिषदेचे आर्थिक नुकसान होणार नाही याची दक्षता घेणे गरजेचे असल्याचे स्थानिक बोलत आहेत.
matheran-hospital
—————————————————-
लिलाव पध्दतीमुळे नगरपरिषदेला मागील ठेक्याच्या रक्कमे पेक्षा जवळ जवळ तीन वर्षासाठी 60 लक्ष रुपये अधिक प्राप्त झाले असून  वाढलेल्या उत्पन्ना मधून पार्कींग मध्ये अधीक सुख सोयी  व खाजगी मोटार गाड्याच्या सुरक्षाच्या दृष्टीनं पालिकेकडून काळजी घेतली पाहिजे. नगरपरिषदेला एवढ्या मोठ्या प्रमाणात उत्पन्न येणार असल्याने दस्तुरी नाक्यावर पार्किंग मधील वाहनांतुन सामान चोरीला जाण्याचे प्रकार घडत असतात त्यासाठी सुरक्षा रक्षक नेमणे आवश्यक आहे. सीसीटीव्ही कॅमेरे बसविण्यात यावेत. त्याचप्रमाणे पार्किंग मध्ये सुकलेली झाडे पावसाळ्यात गाड्यांवर पडून नुकसान होते त्यासाठी सुकलेल्या झाडांचा विस्तार कमी करण्यात यावा.
…शिवाजी शिंदे, माजी नगरसेवक माथेरान

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading