चाकूचा धाक दाखवून कार्यालयातील 1 लाख 47 हजार रुपयाची रोकड केली लंपास

पनवेल ( संजय कदम ) : 

डिलिव्हरी कुरिअर सेंटर या कंपनीच्या कार्यालयात घुसलेल्या एका लुटारुने कार्यालयातील कर्मचार्‍याला चाकूचा धाक दाखवून कार्यालयात जमा झालेली 1 लाख 47 हजाराची रोख रक्कम लुटून पसार झाल्याची घटना खारघर वसाहतीमध्ये घडली आहे.

खारघर वसाहतीमधील सेक्टर 20 येथे असलेल्या डिलिव्हरी कुरिअर सेंटर या कंपनीच्या कार्यालयात नुर इस्माल नुर अली मलिक हा एकटा असताना त्या कार्यालयात एक अज्ञात लुटारु घुसला व त्याने त्याला चाकूचा धाक दाखवून कार्यालयातील टेबलच्या ड्राव्हरमधील 1 लाख 47 हजार रुपये किंमतीच्या नोटा तसेच नुर अली याचा मोबाईल घेवून तो पसार झाला आहे. याबाबतची तक्रार खारघर पोलीस ठाण्यात करण्यात आली आहे.