राज्यात गोवंशीय जनावरांच्या कत्तलीवर बंदी असतांना, रिक्षामधून ५० किलो वजनाचे गोमांस घेवून जाणाऱ्या दोन जणांना नेरळ पोलिसांनी ताब्यात घेतले आहे.
सदरील ही घटना दि. ३० डिसेंबर रोजी सोमवारी दुपारचे तीन वाजण्याच्या सुमारास कर्जत – कल्याण राज्य मार्गावरील नेरळ पोलीस ठाणे हद्दीत घडली आहे. नेरळ पोलिसांच्या सतर्कतमुळे गोमांस घेवून जाणारे पोलीसांनी ताब्यात घेतले आहे. दरम्यान हे गोमांस नेरळ जवळील दामत गावातून आणण्यात आले असून, ते नवी मुंबई येथे घेवून जात असल्याचे समोर आले आहे.
एकीकडे थर्टीफर्स्टची धामधूम सुरू असताना, दुसरीकडे कर्जत तालुक्यात मोठ्या प्रमाणात गोहत्या करून त्याचे मांस विक्रीसाठी तालुक्या बाहेर गुपचूप जात असल्याचा धक्कादायक प्रकार समोर आला आहे असुन, रस्त्यावर फिरणाऱ्या गोवंशिय जनावरांना पकडुन त्यांची हत्या करण्यात येत असून त्यांचे मांस हे विक्रीसाठी पाठवले जात असल्याची कर्जत नागुर्ले येथील घटना ताजी असताना, नेरळ येथून गोमांस खरेदी करून कर्जत कल्याण राज्य मार्गावरून नवी मुंबई येथे जात असल्याची घटना घडली आहे.
नेरळ पोलिसांनी दृष्टी हॉटेल समोर रिक्षासह गोमांस ताब्यात घेतले आहे. ऑटो रिक्षा क्रमांक एम एच ४६ सी ०३६६ या वाहनात ५० किलो वजनाचे गोमांस हे चार वेगवेगळ्या पिशवीत बांधण्यात आल्याचे पोलिसांना सापडले आहे. यावेळी नवी मुंबई नेरूळ जवळील सेंट झेवेलीस स्कूल परिसरात राहणारे ५६ वर्षीय मुस्ताक शफीक पटेल व ४० वर्षीय फरमान इस्माईल शेख या दोन व्यक्तींना ऑटो रिक्षासह नेरळ पोलिसांनी रंगेहाथ पकडले आहे. दरम्यान हे गोमांस दामत गावातून मुसा भाई यांच्याकडून खरेदी केल्याची कबुली पकडण्यात आलेल्या दोन आरोपी व्यक्तींनी नेरळ पोलिसांना यावेळी दिली आहे. गोमांस यांसह ऑटो रिक्षा असा ऐकून ९० हजारच्या आसपास मुद्देमाल पोलिसांनी पकडला असल्याचे सांगण्यात आले आहे.
याबाबत नेरळ पोलीस ठाण्यात महाराष्ट्र प्राणी संरक्षण सुधारणा अधिनियम १९९ चे कलम ५ (क) चे उल्लंघन ९ अ प्रमाणे गुन्हा दाखल करण्यात आला असून अधिक तपास नेरळ पोलीस ठाण्याचे पोलिस अधिकारी शिवाजी ढवळे यांच्या मार्गदर्शनाखाली पोलीस हवालदार वाघमारे करीत आहेत. तर थर्टीफर्स्ट च्या धामधुमीत कर्जत तालुक्यात मोठ्या प्रमाणत गोवंशिय जनावरांची कत्तल होत असल्याने आता गोरक्ष प्रेमिंकडून याबाबत तीव्र संताप व्यक्त केला जात असून असा नराधमांवर कडक कारवाई केली जावी म्हणून सांगण्यात येत आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.