गुलमोहर शासकीय विश्रामगृहाचे नूतनीकरण उद्घाटन सोहळा संपन्न

कर्जत (गणेश पवार) : 

 महाराष्ट्र शासनाच्या सार्वजनिक बांधकाम विभागांतर्गत पनवेल शासकीय विश्रामगृह (गुलमोहर) इमारतीचे नूतनीकरण कार्य पूर्ण झाले असून, आमदार  महेंद्र सदाशिव थोरवे (कर्जत-खालापूर विधानसभा मतदारसंघ) यांच्या शुभहस्ते उद्घाटन सोहळा संपन्न झाला.

याप्रसंगी बोलताना, गुलमोहर शासकीय विश्रामगृहाच्या नूतनीकरणामुळे पर्यटकांसाठी उत्कृष्ट सोयी निर्माण होणार असल्याची भावना व्यक्त केली. तसेच, नवीन शासकीय विश्रामगृहाचे काम लवकर पूर्ण होऊन तेही पर्यटकांच्या सेवेसाठी उपलब्ध होईल, असा विश्वास व्यक्त केला.

विश्रामगृहाच्या नूतनीकरणासाठी २५ लाख रुपये खर्च करण्यात आले असून, तीन व्हीआयपी सूट, डायनिंग हॉल, किचन, परिसर सुशोभीकरण आणि भिंतीचे बांधकाम करण्यात आले आहे.

कार्यक्रमाला सार्वजनिक बांधकाम विभाग कर्जतचे डेप्युटी इंजिनिअर श्री. संजीव वानखेडे, बांधकाम विभागाचे अधिकारी, महायुतीचे पदाधिकारी, कार्यकर्ते व कर्जतकर नागरिक उपस्थित होते.