खा. धैर्यशील पाटील यांचे नागोठणे विभागातील राष्ट्रवादीच्या कार्यकर्त्यांनी केले अभिनंदन

सुकेळी ( दिनेश ठमके ) :

भाजपा दक्षिण रायगड जिल्हाध्यक्ष धैर्यशील पाटील यांची नुकतीच राज्यसभा खासदारपदी बिनविरोध निवड झाल्याबद्दल त्यांचे नागोठणे विभागातील राष्ट्रवादीच्या अनेक कार्यकर्त्यांनी खा. धैर्यशील पाटील यांच्या निवासस्थानी जाऊन त्यांना पेढे भरवुन त्यांचे अभिनंदन केले व पुढील वाटचालीसाठी शुभेच्छा दिल्या. यावेळी खा. पाटील यांचे मन अक्षरशः भारावून गेले होते.

खा.धैर्यशीलदादा यांना शुभेच्छा देण्यासाठी नागोठणे विभागातील राष्ट्रवादीचे जेष्ठ नेते भाई टके, रोहा पंचायत समितीचे माजी सभापती शिवरामभाऊ शिंदे, नागोठणे विभाग भातगीरण सोसायटीचे विद्यमान सभापती सदानंद गायकर, ऐनघर ग्रामपंचायतीचे माजी सरपंच तथा राष्ट्रवादीचे जेष्ठ नेते मधुकर ठमके, नागोठणेचे माजी सरपंच विलास चौलकर, राष्ट्रवादीचे नेते बाळाशेठ टके, सखाराम ताडकर आदी कार्यकर्ते उपस्थित होते.