खारपाडा टोलनाक्याच्या डिव्हायडरला आय २० ची जोरदार धडक, पेणच्या राठोडचा जागीच मृत्यू

पनवेल ( संजय कदम ) :

भरधाव वेगाने जाणाऱ्या हुंडाई आय २० गाडीची पनवेल जवळील खारपाडा येथील टोलनाक्याच्या डिवायडरला धडक दिल्याने झालेल्या अपघातात कार चालकाचा मृत्यू झाल्याची दुर्दैवी घटना घडली आहे. त्यांनतर गाडी जाळून खाक झाली आहे.

विजय शंकर राठोड (वय ४४ वर्ष रा पेण) त्यांच्या ताब्यातील होंडाई कंपनीची आय २०कार क.एम एच 06 बी यु 0875 ही भरधाव वेगात, हयगयीने, रस्ताच्या परस्थितीकडे दुर्लक्ष करून स्वतः चालवुन पनवेल कडून पेण कडे जात असताना खारपाडा टोलनाका येथिल डिवायडरला ठोकर मारून अपघात करून पायाला, छातीला, डोक्याला गंभिर दुखापत होवुन स्वतःच्या मरणास व कारच्या नुकसानास कारणीभूत झाला म्हणून गुन्हा झाल्याने पनवेल तालुका पोलीस ठाण्यात या गुन्ह्याची नोंद करण्यात आली आहे.