खांब देवकान्हे मार्गावर घरेलु गॅस वाहतूक करणारा पिकअप टेम्पो कलंडला

gas-tempo-accident
कोलाड ( श्याम लोखंडे ) : कोलाड खांब परीसरात घेरलू गॅस पुरवठा करणाऱ्या कोलाड येथील हिंदुस्थान पेट्रोलियम कंपनीचे शुभम गॅस सर्व्हिसचा घरोघरी गॅस बाटला वाहतूक करणारा पिकप टेम्पो खांब देवकान्हे मार्गावर कलंडला मात्र सुदैवाने कोणतीही दुर्दैवी घटना घडली नाही तर वाहतूक करणारा टेम्पो कलंडल्याने चालकाची एकच खळबळ उडाली होती.
कोलाड येथील शुभम गॅस एजेंसी ही गावा गावात गॅस पुरवठा करणारी इजेंसी आहे या एजेन्सी च्या माध्यमातुन कोलाड सह खांब परिसरातील गावांना तसेच ग्राहकांना घरपोच सिलिंडर बाटले बुकिंग प्रमाणे सुविधा दिल्या जातात मात्र मंगळवारी १ऑगस्ट रोजी घरेलु गॅस पुरवठा करणारा पिकप टेम्पो खांब देवकान्हे मार्गावर धानकान्हे नजिक रस्त्याकडेला कलंडला परंतु सदरच्या घटनेत सुदैवाने कोणतीही दुर्दैवी घटना घडली नाही.
वाहन चालकांनी रस्त्याच्या रस्त्यावर दुसऱ्या वाहनास साईड देताना हा टेम्पो कलंडला मात्र यात कोणीही जखमी झाले नाही अथवा धोका निर्माण झाला नाही. कोलाड येथून नेहमी प्रमाणे घरेलु गॅस वाहतूक करणारा टेम्पो क्रमांक एम एच ०६ बी जी ४०६६ हा टेम्पो खांब कडून देवकान्हेकडे जात होता तर देवकान्हे कडून खांब कडे जाणाऱ्या प्रवाशी रिक्षाला साईड देत असता एकाकडेला सदरचा टेम्पो रस्त्याकडेला खचल्याने कलंडला आहे.
घरेलु गॅस वाहतूक करणारा टेम्पो चालकाने अतिशय प्रसंगावधान दाखवित कोणत्याही प्रकारे धोका निर्माण होणार नाही याची काळजी प्रथम घेत आत मध्ये असलेले गॅस बाटले सुरक्षित केले यामुळे सुदैवाने कोणती दुर्देवी घटना घडली नाही तसेच शुभम गॅस इजेन्सिने तत्काळ उपाय योजना म्हणून क्रेन च्या सहायाने टेम्पो बाहेर काढण्यात आले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading