खांब, देवकान्हे-पुगाव विभागातील गणेश भक्तांनी मोठ्या भक्तिभावाने बाप्पाला दिला निरोप

कोलाड (श्याम लोखंडे ) :

खांब, देवकान्हे-पुगाव विभागातील दहा दिवसांच्या गणपती बाप्पांचे विसर्जन भक्तिमय वातावरणात ढोल-ताशे, डीजे आणि हरिनामाच्या गजरात पार पडले. अनंत चतुर्दशीच्या दिवशी पावसाची विश्रांती मिळाल्याने गणेश भक्तांनी गुलाल उधळत आपल्या लाडक्या बाप्पाला निरोप दिला. “गणपती बाप्पा मोरया, पुढच्या वर्षी लवकर या” या जयघोषात विसर्जन उत्साहात साजरे करण्यात आले.

विसर्जनासाठी जाणाऱ्या गणपती मिरवणुका वाजत-गाजत, फटाक्यांच्या आतषबाजीत निघाल्या. ढोल-ताशांचा गजर, लाठी-काठीचे प्रदर्शन, भजन, आणि लहान मुलांच्या नृत्याने भक्तीमय वातावरणात विसर्जन सोहळा रंगला. ग्रामीण भागातील नागरिकांनी विसर्जन घाट आणि मार्ग स्वच्छ करण्यासाठी आधीच तयारी केली होती. कोलाड पोलिसांच्या मदतीने वाहतूक व्यवस्था उत्तम ठेवण्यात आली.

 या सार्वजनिक उपक्रमाचे यशस्वी आयोजन केल्याबद्दल सर्व सदस्यांचे कौतुक केले.