खवय्यांनो सावधान ! चिकन खाल्ल्यानं ‘या’ नव्या आजाराचा धोका

PEN न्यूज ऑनलाइन टीम :

महाराष्ट्रात गुलियन बॅरी सिंड्रोम (GBS) रुग्णांची संख्या झपाट्याने वाढत आहे. नागपूरसह मुंबई, पुणे, सोलापूर येथेही हा आजार पसरत आहे. नागपूरमध्ये ४५ वर्षीय रुग्णाचा मृत्यू झाला असून राज्यभरातील मृत्यूसंख्या ९ वर पोहोचली आहे.

हा दुर्मिळ आजार विषाणू किंवा बॅक्टेरियामुळे होतो, तसेच तो कमी शिजवलेल्या चिकनमुळेही होऊ शकतो, असे उपमुख्यमंत्री अजित पवार यांनी सांगितले. पोल्ट्री फार्ममधून घेतलेल्या नमुन्यांच्या तपासणीत ही बाब समोर आली आहे. त्यामुळे नागरिकांनी मांस चांगले शिजवूनच खावे, असे आवाहन करण्यात आले आहे.

राज्य सरकारने जनजागृतीसाठी विशेष उपाययोजना आखल्या असून नागरिकांनी शुद्ध पाणी प्यावे आणि स्वच्छतेकडे विशेष लक्ष द्यावे, असेही प्रशासनाने स्पष्ट केले आहे.