क्रीडा व युवक सेवा संचालनालयातर्फे युवा महोत्सवाचे आयोजन

अलिबाग :

युवकांचा सर्वागीण विकास करणे, संस्कृती परंपरा जतन करणे, युवकांच्या अंगी असलेल्या सुप्त गुणांना वाव देणे व राष्ट्रीय एकात्मता वाढीस लागणे यासाठी प्रतिवर्षी राष्ट्रीय राज्यस्तरावर युवा महोत्सवाचे आयोजन शासनाच्या वतीने करण्यात येते. राज्यात वर्षातील युवा महोत्सवाचे आयोजन क्रीडा व युवक सेवा संचालनालय, महाराष्ट्र राज्य नेहरु युवा केंद्र व विविध प्रशिक्षण संस्थांचे संयुक्त विद्यमाने आयोजित करण्यात येणार आहे.

प्रत्येक स्तरावर विजयी होणारे युवक युवतींना राष्ट्रीय युवा महोत्सवामध्ये सहभागी होण्याची संधी रायगड जिल्ह्यातील युवक युवतींना जिल्हास्तरीय युवा महोत्सवाचे माध्यमातून प्राप्त होणार आहे. संकल्पना आधारीत बाबींमध्ये विज्ञान व तंत्रज्ञान यामधील नवसंकल्पना INNOVATION IN SCIENCE AND TECHNOLOGY” या वर्षासाठी निश्चित केले आहे. या संकल्पनेवर आधारीत जिल्हा, विभाग व राज्यस्तरावर युवा महोत्सवात विविध उपक्रम आयोजित करण्यात येणार आहेत. तसेच प्रावीण्य प्राप्त करणाऱ्या संघ / स्पर्धकांना प्रमाणपत्र व चषक देण्यात येतील.

वयोगट व सहभागाची पात्रता-

या स्पर्धेमध्ये सहभाग घेण्यासाठी १५ से २९ वर्षे वयोगट राहील. (दि. १२ जानेवारी २०२५ रोजी परिगणना करण्यात येईल ) जिल्ह्यातील इंजिनिअरींग कॉलेज, औद्योगिक प्रशिक्षण संस्था, वैद्यकिय महाविदयालय, कृषी महाविद्यालये, कनिष्ठ व वरीष्ठ महाविद्यालये, महिला मंडळ, युवा मंडळ तसेच १५ ते २९ वर्ष वयोगटातील युवांना सदर युवा महोत्सवामध्ये सहभागासाठी पात्रता राहील. प्रथम नोदणी करणे आवश्यक राहील.

नोंदणीचा अंतिम दिनांक २५ नोव्हेंबर २०२४ राहील. युवा महोत्सवाचे आयोजन दि. २७ व २९ नोव्हेंबर २०२४ रोजी करण्यात येईल. नोदणी करण्यासाठी विहीत नमुन्यातील प्रवेश अर्ज संपूर्ण माहिती भरुन फोटोसह स्कॅन करावे, स्कॅन PDF मध्ये करावे व dsoraigad.2009@rediffmail.com या ईमेल वर दि. २५ नोव्हेंबर २०२४ रोजी पर्यंत सादर करावे.

सोबत स्पर्धेची माहिती नियमावली व नोंदणीसाठी अर्जाचा विहीत नमुना देण्यात येत आहे.

अ.क्र.१.बाबनिहाय सहभागी संख्या-बाब-सहभाग संख्या- पुढीलप्रमाणे – संकल्पना आधारीत स्पर्धा-“विज्ञान व तंत्रज्ञान यामधिल नवसंकल्पना” “INNOVATION IN SCIENCE AND TECHNOLOGY” ४०, २.) सांस्कृतिक– समुह लोकनृत्य-१०,लोकगीत-१०,वैयक्तीक सोलो लोकनृत्य-०५,वैयक्तीक सोलो लोकगीत-०५ ३). कौशल्य विकास– कथा लेखन-०३,चित्रकला-०२,वक्तृत्व-०२,कविता-०२  

अधिक माहितीसाठी 9511707103 या क्रमांकावर संपर्क साधावा. असे जिल्हा क्रीडा अधिकारी रायगड अलिबाग यांनी कळविले आहे.