कुसुंबळे ज्येष्ठ नागरिक संघाटनेच्या वतीने ज्येष्ठ नागरिक दिन उत्साहात साजरा

कुसुंबळे ज्येष्ठ नागरिक संघाटनेच्या वतीने ज्येष्ठ नागरिक दिन उत्साहात साजरा

भाकरवड ( जीवन पाटील ) :

अलिबाग तालुक्यातील कुसुंबळे विभागातील ज्येष्ठ नागरिक संघाच्या वतीने मंगळवार, 1 ऑक्टोबर 2024 रोजी कुसुंबळे येथील हनुमान मंदिराच्या भव्य प्रांगणात ज्येष्ठ नागरिक दिन उत्साहात साजरा करण्यात आला. या कार्यक्रमाचे अध्यक्षपद सेवानिवृत्त आदर्श शिक्षक अमृत बारकू पाटील यांनी भूषवले.
कार्यक्रमाची सुरुवात स्वागत गीताने झाली, ज्याला रोहिदास दामोदर पाटील यांच्या इशस्त्वन आणि आदिकांत पाटील यांच्या मृदुंग वादनाची मधुर साथ मिळाली. गायिका प्रेमाला खरसंबळे आणि मंदाकिनी पाटील यांनी आपल्या सुमधुर आवाजात स्वागत गीत सादर केले.
या प्रसंगी प्रमुख वक्ते रायगड भूषण व राज्य पुरस्कार प्राप्त अँड.  के. डी. पाटील यांनी ज्येष्ठ नागरिकांच्या एकत्रित उपक्रमांवर आणि शासकीय योजनांच्या योग्य वापरावर भाष्य केले. ज्येष्ठ नागरिक संघ कुसुंबळे शाखेचे अध्यक्ष अमृत बारकू पाटील, उपाध्यक्ष प्रेमाला खरसंबले, सचिव जनार्दन धर्मा पाटील, सहसचिव प्रभाकर कोठेकर आणि संस्थेचे तज्ञ मार्गदर्शक सेवानिवृत्त नेव्ही अधिकारी विनायक महादेव पाटील, तसेच छबिलदास हायस्कूलचे माजी प्राध्यापक रविंद्र छोटू पाटील उपस्थित होते.
कार्यक्रमात ज्येष्ठ नागरिकांच्या आरोग्य, सामाजिक आणि आर्थिक समस्यांवर विचारविनिमय करण्यात आला. अँड. के. डी. पाटील यांनी ज्येष्ठ नागरिकांच्या समस्यांचे निवारण करण्यासाठी शासनाच्या विविध उपक्रमांचा लाभ घेण्याचे आवाहन केले.
कार्यक्रमाचे सूत्रसंचालन सेवानिवृत्त आदर्श शिक्षक ज. का. ठाकूर यांनी केले. यशस्वी आयोजनासाठी ज्येष्ठ महिलांनी मोलाचे परिश्रम घेतले. आभार प्रदर्शन माजी केंद्र प्रमुख प्रकाश जयराम म्हात्रे यांनी केले.
कार्यक्रमात मान्यवरांची मोठी उपस्थिती होती, ज्यांनी ज्येष्ठ नागरिकांच्या जीवनातील विविध मुद्द्यांवर आपले विचार मांडले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading