किहीम सरपंच प्रसाद उर्फ पिंट्या गायकवाड दैनिक पुढारी महामुंबई आयकॉन पुरस्कारनं सन्मानित

किहीम सरपंच प्रसाद उर्फ पिंट्या गायकवाड दैनिक पुढारी महामुंबई आयकॉन पुरस्कारनं सन्मानित
सोगाव ( अब्दुल सोगावकर ) :
अलिबाग तालुक्यातील चोंढी येथील सामाजिक कार्यकर्ते तथा किहीम सरपंच प्रसाद उर्फ पिंट्या गायकवाड यांना सामाजिक कार्यात उल्लेखनीय कामगिरी केल्याबद्दल दैनिक पुढारीच्या ८६ व्या वर्धापन दिनानिमित्त “सन्मान दैनिक पुढारी महामुंबई आयकॉन” हा पुरस्कार महाराष्ट्र राज्याचे माहिती तंत्रज्ञान आणि सांस्कृतिक खात्याचे मंत्री आशिष शेलार यांच्या हस्ते व प्रमुख मान्यवरांच्या उपस्थितीत ठाणे येथील डॉ. काशिनाथ घाणेकर नाट्यगृहात झालेल्या भव्य कार्यक्रमात देण्यात आले.
सामाजिक कार्यकर्ते तथा किहीम सरपंच पिंट्या गायकवाड यांनी अलिबाग तालुक्यासह रायगड जिल्ह्यात सामाजिक कार्यात मोठ्या प्रमाणात योगदान देत उल्लेखनीय कामगिरी केली आहे, तसेच त्यांनी आपल्या किहीम ग्रामपंचायत सरपंच पदावर विराजमान होऊन अनेक लोकोपयोगी व विकासात्मक तसेच कौतुकास्पद कार्य करत नावलौकिक मिळविले आहे. पिंट्या गायकवाड यांच्या कार्याची दखल घेत दैनिक पुढारी तर्फे “सन्मान दैनिक पुढारी महामुंबई आयकॉन” पुरस्कार जाहीर करत बुधवार दि. १ जानेवारी २०२५ रोजी ठाणे येथे झालेल्या एका भव्य दिव्य कार्यक्रमात त्यांचा माहिती तंत्रज्ञान आणि सांस्कृतिक खात्याचे मंत्री आशिष शेलार यांच्या हस्ते व इतर मान्यवरांच्या उपस्थितीत पुरस्कार देऊन सन्मानित करण्यात आले.
यावेळी प्रमुख पाहुणे म्हणून ना. आशिष शेलार, खा. नरेश म्हस्के, आ. संजय केळकर, ठाण्याचे जिल्हाधिकारी अशोक शिनगारे, मुख्य कार्यकारी अधिकारी रोहन घुगे, रायगडचे मुख्य कार्यकारी अधिकारी डॉ. भरत बाष्टेवाड, अभिनेते-दिग्दर्शक प्रवीण तरडे, हास्यजत्रेतील लोकप्रिय अभिनेत्री शिवाली परब, माजी खासदार आनंद परांजपे, पंचांगकार दा. कृ. सोमण, संजय वाघुले आदी मान्यवर यावेळी प्रमुख अतिथी म्हणून उपस्थित होते.
या सन्मान सोहळा कार्यक्रमाला सामाजिक कार्यकर्ते तथा किहीम सरपंच प्रसाद उर्फ पिंट्या गायकवाड यांच्या सोबत त्यांचे वडील सुधीर उर्फ बाळू गायकवाड, बहिण तथा सासवणे ग्रामपंचायत सदस्या संजना पाटील, नितीन शिवणेकर, नदीम आत्तार, विजय मोरे यांसह इतर नातेवाईक व मित्रपरिवार मोठ्या संख्येने उपस्थित होते. दैनिक पुढारी तर्फे भव्य पुरस्कार मिळाल्याबद्दल सामाजिक कार्यकर्ते तथा किहीम सरपंच पिंट्या गायकवाड यांच्यावर सामाजिक व राजकीय क्षेत्रातील तसेच नातेवाईक, मित्रपरिवांनी अभिनंदनाचा वर्षाव केला जात आहे.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading