पोलादपूर : पोलीस खात्यामध्ये सेवाकाळ पुर्ण करणे आणि तो निष्कलंकपणे पुर्ण करणे हे आव्हानात्मक असून घरावर तुळशीपत्र ठेऊन निघणे या वाक्प्रचाराचा थेट संबंध पोलीस खात्यातील नोकरीशी आहे. यामध्ये पोलीस कर्मचाऱ्याच्या पत्नीची भुमिका महत्वाची असते आणि अर्धांगिनीने तिचे कर्तव्य यशस्वीपणे बजावले तरच पोलीसांना त्यांचे कर्तव्य यशस्वीरित्या बजावता येते; म्हणून चांदणे यांच्यासह त्यांच्या पत्नीलाही ‘निष्कलंक’ सेवेचे श्रेय आहे, असे पोलादपूरचे सहायक पोलीस निरिक्षक युवराज म्हसकर यांनी आवर्जून सांगितले.
रायगड आणि रत्नागिरी जिल्ह्यांतील विविध पोलीस ठाण्यात तब्बल 35 वर्षांहून अधिककाळ निष्कलंक सेवा बजावून सेवानिवृत्त झालेले कशेडी टॅपचे पोलीस उपनिरिक्षक अनिल चांदणे यांना दोन्ही जिल्ह्यातील पोलीस अधिकारी सहकारी व कर्मचारी तसेच नागरिकांनी भावपूर्ण निरोप दिला. यावेळी सहायक पोलीस निरिक्षक म्हसकर बोलत होते.
याप्रसंगी पोलादपूर पोलीस ठाण्याचे सहायक पोलीस निरिक्षक युवराज म्हसकर, पोलीस उपनिरिक्षक धुमास्कर, माणगांवचे पोलीस उपनिरिक्षक पवार, महाडचे पोलीस उपनिरिक्षक जाधव आणि निवृत्त पोलीस उपनिरिक्षक शेलार आदी व्यासपिठावर उपस्थित होते.
महाराष्ट्र राज्य मराठी पत्रकार संघाचे रायगड जिल्हा अध्यक्ष शैलेश पालकर, जिल्हा प्रतिनिधी विश्वास नलावडे, पोलादपूर तालुका पत्रकार संघाचे खजिनदार योगेश भोसले आदींनी यावेळी पोलादपूर तालुक्यातर्फे सेवानिवृत्त पोलीस उपनिरिक्षक अनिल चांदणे यांचा सत्कार केला.
रायगड अध्यक्ष पालकर यांनी चांदणे यांच्या निष्कलंक सेवेचे विशेष कौतुक केले. यावेळी स्वामी समर्थ मठाचे सेवकांनीही आवर्जून सेवानिवृत्त पोलीस उपनिरिक्षक अनिल चांदणे यांचा सत्कार केला. यावेळी अन्य मान्यवरांची सत्कारप्रित्यर्थ मनोगते झाली.
सत्काराला उत्तर देताना सेवानिवृत्त पोलीस उपनिरिक्षक अनिल चांदणे यांनी, कुटूंबाला वेळ देता आला नाही कारण संपूर्ण सेवा काळात केवळ तीन वेळा 15 दिवसांची रजा आणि दोनवेळा आजारपणाची रजा घेतली. वरिष्ठांना आणि सहकाऱ्यांना अडचणीत आणण्याची कृती केली नाही. सर्वांनाच सहकार्य केले आणि तब्येतीकडे लक्ष देताना कायद्याचा गैरफायदा कधीही घेतला नसल्याचे सांगून उर्वरित काळ कुटूंबियांसोबत आनंदाने घालविण्याची इच्छा व्यक्त केली.
पोलादपूर पोलीस ठाण्यात तसेच कशेडी टॅप पोलीस चौकीमध्ये सेवा बजाविल्याने पोलीस उपनिरिक्षक अनिल चांदणे यांच्या लोकोपयोगी स्वभावामुळे प्रभावित कर्मचारी व सहकारी तसेच स्थानिक नागरिक यावेळी आवर्जून उपस्थित होते. कार्यक्रमाचे सुत्रसंचालन पोलीस कर्मचारी चंदु कांबळे यांनी अतिशय मनोरंजक केले.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.