कळंबोलीत रंगला खेळ पैठणीचा

कळंबोलीत रंगला खेळ पैठणीचा

पनवेल ( संजय कदम ) :

पनवेल शिवसेना जिल्हाप्रमुख रामदास शेवाळे यांच्या प्रतिष्ठान मार्फत लाडक्या बहिणींसाठी व नारीशक्तीचा सन्मान करण्यासाठी खास ‘खेळ पैठणीचा’ खेळ मनोरंजनाचा या कार्यक्रमाचे आयोजन ता.13 रोजी रविवारी दु 2 वाजता सुधागड हायस्कूल च्या सभागृहात अभूतपूर्व उत्साही वातावरणात पार पडला. मनोरंजन व प्रश्नमंजुषा व विविध उपक्रमास महिला वर्गांची अलोट गर्दी कार्यक्रमाचा केंद्रबिंदू ठरला.
रामदास शेवाळे प्रतिष्ठान आयोजित ‘खेळ पैठणीचा’ या कार्यक्रमात महिलांनी उत्साहाने सहभागी नोंदविला. दिलेला टास्क पूर्ण करणे अन् सोबतीला संगीताचा ठेका अशा उत्साहात स्पर्धा रंगली. या सोहळ्या प्रारंभी उद्घाटन सोहळ्यात व्यासपीठावर अध्यक्षस्थानी आमदार प्रशांत ठाकूर, रामदास शेवाळे, रेखा शेवाळे, शहर प्रमुख तुकाराम सरक, श्रीकांत फाळके, पंकज सुर्यवंशी, निलेश दिसले, विराट पवार,आनंदा माने, हिरकणी सामाजिक सेवा संस्थेच्या अध्यक्ष सायली सरक यांची प्रमुख उपस्थिती होती. उद्घाटन सोहळ्यानंतर स्पर्धेला सुरुवात झाली.
शेकडो महिला स्पर्धकांनी यात सहभाग घेतला. उखाणे, रिंग, चेंडू फेकणे, लंगडी, धागा वेचणे अशा वेगवेगळ्या स्पर्धामध्ये शेवटपर्यंत टिकून राहणाऱ्यासाठी प्रत्येक स्पर्धकांची उडालेली धांदल अन् उत्साह स्पर्धेमध्ये रंगत वाढविणारा ठरला. सोबतीला संगीताचा ठेका अन् उत्साह यामुळे स्पर्धा उत्तरोत्तर रंगतदार ठरली. पंधरा वर्षांपासून ते सत्तर वर्ष वयापर्यंतच्या स्पर्धक स्पर्धेत होत्या. स्पर्धेत शेवटपर्यंत टिकून राहणाऱ्यांना विजेते घोषित करण्यात आले. विजेत्यांचा पैठणी देऊन गौरव करण्यात आला.
सदर स्पर्धा व पैठणीचा खेळ काजल माने, सुप्रिया फाळके, सविता चव्हाण, राजश्री सुर्यवंशी, कोमल गोडसे, अर्पिता दिसले यांच्या सहभाग व मेहनतीने यशस्वी झाला. कार्यक्रमाचे सूत्रसंचालन नवी मुंबई मधील प्रसिद्ध समालोचक प्रशांत पुजारी यांनी केले.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading