कर्नाळा अभयारण्याजवळ कंटेनर पलटी, सुदैवानं जीवितहानी नाही

पनवेल (संजय कदम) :

 कर्नाळा अभयारण्याजवळ आज सकाळी पेण बाजूने पनवेलच्या दिशेने येणारा एक कंटेनर पलटी झाल्याने काही काळ वाहतूक कोंडी निर्माण झाली होती.

पेणहून पनवेलकडे जात असलेला आर जे ०९ जी ई ५५७७ क्रमांकाचा कंटेनर रस्त्यावर वळण घेण्याच्या दरम्यान पलटी झाला. सदर कंटेनरमध्ये केमिकल पावडर भरलेली होती. चालकाचे वाहनावरील नियंत्रण सुटल्याने ही दुर्घटना घडल्याचे सांगण्यात येत आहे.

घटनेची माहिती मिळताच स्थानिक पोलीस आणि वाहतूक पोलीस तात्काळ घटनास्थळी पोहोचले व परिस्थिती नियंत्रणात आणून वाहतूक सुरळीत केली. सुदैवाने या घटनेत कोणतीही जीवितहानी झालेली नाही.

वाहतूक पोलिसांनी संबंधित कंटेनर हटवण्यासाठी तातडीने उपाययोजना केल्या आणि काही वेळातच वाहतूक सुरळीत करण्यात आली. दरम्यान, या घटनेमुळे काही काळ वाहनचालकांना त्रास सहन करावा लागला.