कर्तृत्वान महिला कर्जत प्रेस क्लब कडून सन्मानित

कर्जत : 

जगभरात ८ मार्च रोजी जागतिक महिला दिन साजरा केला जातो. या दिवशी विविध क्षेत्रात उल्लेखणीय काम करणाऱ्या महिलांचा सत्कार केला जातो. त्यांच्या कार्याचा गौरव केला जातो. तसेच तमाम महिला वर्गाला त्यांच्या स्वातंत्र्याची जाणीव होण्यासाठी हा दिवस म्हणजे जागतिक महिला दिन.

सामाजिक बांधिलकी जपणारी संघटना म्हणजे रायगड प्रेस क्लब आणि कर्जत प्रेस क्लब यांच्या संयुक्त विद्यमाने महिला दिनाचे औचित्य साधून कर्जत तालुक्यातील दोन कर्तृत्वान महिलांचा त्यांच्या निवासस्थानी जाऊन यथोचित सन्मान करण्यात आला.कर्जत शहरातील महिला पत्रकार म्हणून ज्यांनी अनेक वर्षे आपल्या लेखणीतून नागरिकांना न्याय देण्याचं काम केलं.

पत्रकारितेचा वसा घेत आपले कुटुंब सांभाळत पत्रकारितेचे काम एक महिला म्हणून उत्तम आणि प्रामाणिक रित्या सांभाळून तीन वर्ष कर्जत तालुका मराठी पत्रकार संघाचे अध्यक्ष पद देखील भूषविलेल्या महिला पत्रकार वैदेही श्रीराम पुरोहित, तर नेरळ येथील वीटभट्टीवरील शिक्षिका म्हणून जिचं नाव लौकिक आहे अशी शिक्षिका जिने वीटभट्टी व अन्य कामासाठी स्थलांतरित होणाऱ्या. कुटुंबातील मुलांसाठी आपण काहीतरी मदत केली पाहिजे या उदात्त हेतूने ज्ञानदान करण्याची कल्पना सुचली आणि आपल्या वडिलांच्या सहकार्याने वीटभट्टीवर स्थलांतरित झालेल्या आदिवासी मुलांसाठी चक्क शाळा सुरू केली. त्या आदिवासी मुलांना देखील शिक्षणाचा अधिकार आहे. त्या मुलासाठी आपण काही तरी केलं पाहिजे. वीटभट्टीवरील कामगारांची मूल देखील शिकली पाहिजेत अशा भावना तिच्या मनात आली , ती शिक्षिका म्हणजे नेरळ जवळलील बिरदोली येथील भाविका जामघरे आज त्या विद्यार्थ्यांची सरस्वतीच बनली आहे असे म्हंटले तर वावग ठरणार नाही.

कर्जत तालुक्यातील महिला पत्रकार वैदेही श्रीराम पुरोहित आणि बिरदोली येथील आपले महाविद्यालयीन शिक्षणासोबत वीटभट्टीवरील स्थलांतरित मुलांना शिक्षणाचे धडे देणारी शिक्षिका म्हणजे भाविका जामघरे या दोन कर्तृत्वान महिलांचा सन्मान आज महिला दिनाचे औचित्य साधून रायगड प्रेस क्लब आणि कर्जत प्रेस क्लबच्या वतीने त्यांच्या निवास स्थानी जाऊन ह्या दोन सत्कार मूर्तींचा सन्मान करण्यात आला. शाल ,श्रीफळ, गुलाब पुष्प आणि मानपत्र असे पुरस्काराचे स्वरूप होते.

यावेळी ज्येष्ठ पत्रकार श्रीराम पुरोहित, विजय मांडे,संजय गायकवाड, रायगड प्रेस क्लबचे कार्याध्यक्ष संजय मोहिते, सचिव दर्वेश पालकर, विभागीय सचिव ॲड. राहुल देशमुख,कर्जत प्रेस क्लब अध्यक्ष गणेश पवार, कार्याध्यक्ष विलास श्रीखंडे, कांता हबळे, सचिव अजय गायकवाड, दीपक पाटील,खजिनदार मल्हार पवार, प्रसिद्धी प्रमुख आनंद सकपाळ, सह खजिनदार ज्ञानेश्वर बागडे,विपुल माळी आदी उपस्थित होते.तसेच भगवान जामघरे,मनिषा जामघरे आणि बिरदोले गावातील ग्रामस्थ मोठ्या संख्येने उपस्थित होते.