कर्जत : सुधाकर घारे यांना आदमी पार्टीचा जाहिर पाठींबा

कर्जत  ( गणेश पवार ) : 

कर्जत – खालापूर विधानसभा मतदार संघातील परिवर्तन विकास आघाडीचे नेते तथा अपक्ष उमेदावार यांना मतदार संघातील कार्यरत सामाजिक संघटना, संस्था तसेच राजकीय घटक पक्षांचा वाढता पाठींबा मिळत असतानाच, कर्जत – खालापूर मतदार संघातील आम आदमी पार्टीने पत्रकार परिषद घेत आपला अपक्ष उमेदवार सुधाकर घारे यांना बिनशर्त पाठींबा दील्याचे जाहीर केले आहे. यामुळे या मतदार संघात होणाऱ्या निवडणूक लढतीमध्ये अपक्ष उमेदवार सुधाकर घारे यांचे पारडे वरचढ असल्याची चर्चा जोर धरत आहे.

कर्जत – खालापूर विधानसभा मतदार संघातील माहायुतीचा घटक पक्ष असलेल्या राष्ट्रवादी काँग्रेस पक्ष अजितदादा पवार गटाचा सर्व पदाधिकारी व कार्यकर्त्यांसह राजीनामा देत परिवर्तन विकास आघाडीचे नेते सुधाकर घारे यांनी दि. २५ ऑक्टोंबर रोजी आपला अपक्ष नामनिर्देशन अर्ज दाखल केल्या पासुन कर्जत – खालापूर – विधानसभा मतदार संघातील कार्यरत सामाजिक संघटना, संस्था तसेच राजकीय घटक पक्षांचा वाढता पाठींबा मिळत असतानाच, कर्जत – खालापूर मतदार संघातील आम आदमी पार्टीने दि. ०१ नोहेंबर रोजी ऐन लक्ष्मीपूजनाच्या दिवशी कर्जत मधील सुधाकर घारे यांच्या जनसंर्पक कार्यालयात पत्रकार परिषद घेत अपक्ष उमेदावार सुधाकर घारे यांना बिनशर्त पाठिंबा देत असल्याचे जाहीर करत सुधाकर घारे यांना तसे पार्टीचे लेखी पत्र दिले आहे.

या पत्रकार परिषदेला आम आदमी पार्टीचे महाराष्ट्र संघठन सचिव डॉ. रियाज युसुफ पठाण, खालापूर तालुका सचिव चंद्रप्रकाश उपाध्याय, खोपोली शहर अध्यक्ष गयासुद्दीन खान, खोपोली शहर उपाध्यक्ष विवेक दयानंद वाघमारे यांच्या सह आदि पदाधिकारी व कार्यकर्ते मोठ्या संख्येने उपस्थित होते.

———————————————

विकास म्हणजे चौका चौकात सुशोभीकरण नाही. विकास म्हणजे बेरोजगार झालेल्या सर्वांना रोजगार उपलब्ध करून देणे आहे. कर्जत खालापूर हे दोन्ही तालुके हे निसर्गरम्य असुन, ज्या प्रमाणे विकास व्हायला पाहिजे तसा विकास झालेला नाही. सुधाकर घारे हे विकासशील नेते आहेत. म्हणून आम आदमी पार्टी अपक्ष उमेदवार सुधाकर घारे यांना बिनशर्त पाठींबा दीला आहे.

…डॉ. रियाज युसुफ पठाण, महाराष्ट्र संघठन सचिव, आम आदमी पार्टी,