कर्जत तालुक्यात विकास कामांना बरणार खिळ; बिलं न मिळाल्यानं ठेकेदार आक्रमक

कर्जत गणेश पवार

कर्जत तालुक्यात शासनाच्या माध्यमातून गेले दीड दोन वर्षात ठेकेदारांच्या माध्यमातून करण्यात आलेल्या विकास कामांची बिले ही ठेकेदाराना अद्याप मिळाले नसल्याने, कर्जत मधील ठेकेदार संघटनेकडून ५ फेबुवारी पासुन विकास कामे बंद ठेवण्याचा निर्णय घेतला असुन, या संदर्भात कर्जत ठेकेदार संघटनेच्या माध्यमातून अधिक्षक अभियंता कोकण भवन यांच्यासह इतर सार्वजनिक विभागांच्या अभियंताना निवेदन देण्यात आले आहे.

कर्जत तालुक्यात अनेक कोट रूपयांची विकास कामे शासन स्तरावरून मंजूर करण्यात आली होती. सदर मंजूर विकास कामे ही कर्जत मधील ठेकेदारांच्या माध्यमातून पूर्ण करण्यात आली आहे. परंतू सदर विकास कामांची कर्जत तालुक्यातील ठेकेदारांची सुमारे १५० कोटी रूपयांची बिले ही थकीत आहे. त्यामुळे कर्जत तालुक्यातील ठेकेदारांपुढे कोणताही पर्याय उपलब्ध नसल्याचा प्रश्न कर्जत तालुक्यातील ठेकेदार संघटनेकडून उपस्थित करत, गेली दीड दोन वर्षात आम्हाला जो निधि उपलब्ध झाला पाहिजे तो निधी हा उपलब्ध झाला नसल्याने आम्ही कर्जत तालुक्यातील सर्व ठेकेदार नाईलाजत्सव आम्हा ठेकेदारांना विकास कामे बंद व आंदोलन करण्यास आपणाकडून प्रवृत्त केले जात असल्याने आम्ही कर्जत ठेकेदार संघटनेच्या मार्फत ५ फेबुवारी पासुन विकास कामे बंद ठेवण्याचा निर्णय घेतला असुन, या संदर्भात कर्जत ठेकेदार संघटनेच्या माध्यमातून अधिक्षक अभियंता कोकण भवन, कार्यकारी अभियंता पनवेल, उपअभियंता कर्जत यांना निवेदन देण्यात आले आहे.

निवेदन देते प्रसंगी कर्जत ठेकेदार संघटनेचे अध्यक्ष राहुल डाळीमकर, सचिव उदय पाटील, संभाजी जगताप,भगवान चव्हाण, सूर्यकांत चंचे, अनंता नीलधे, शरद बडेकर, उमेश म्हसे, प्रमोद खडे, जब्बर शेख, इरवश्वर गायकवाड, सुभाष सावंत हे ठेकेदार उपस्थित होते.

सदर प्रकार पाहाता कर्जत तालुक्यात विकास कामांना खिळ बरणार का? असा प्रश्न देखील उपस्थित होत आहे.