एस्टीपीच्या कामांची चंद्रकांत चौधरी यांच्याकडून पाहणी

Chandrakant Chaudhari
माथेरान ( मुकुंद रांजणे ) :
माथेरान करांसाठी एक अत्यावश्यक असा मलनिस्सारण प्रकल्प ( एसटीपी प्लांट )मार्गी लावला जात असून संबंधीत ठेकेदाराकडून आता नियोजनबद्ध कामे पूर्ण करण्यासाठी प्रयत्न केले जात असल्यामुळे स्थानिकांमध्ये समाधान व्यक्त केले जात आहे. ही होत असलेली कामे सुयोग्य पध्दतीने केली जात आहेत की नाही याची शहानिशा करण्यासाठी शिवसेनेचे शहरप्रमुख  चंद्रकांत चौधरी यांनी पाहणी केली असून संबंधीत ठेकेदाराच्या कामगारांना सूचना देत कामे उत्तम प्रकारे आणि टिकाऊ झाली पाहिजेत जेणेकरून नागरिकांना त्रास होणार नाही.
सुरुवातीला या कामांबाबत नेहमीप्रमाणे येथील काही पक्षातील स्वयंघोषित इंजिनियर,त्याचप्रमाणे काही प्रसार माध्यमांची मंडळींनी कामातील त्रुटी सातत्याने ठेकेदाराच्या निदर्शनास आणून दिल्या होत्या.जवळपास पन्नास कोटी रुपयांची ही कामे असून वारंवार एवढ्या मोठ्या प्रमाणात निधी माथेरान सारख्या दुर्गम भागात उपलब्ध होणे अशक्य आहे. परंतु आमदार महेंद्र थोरवे यांच्या प्रयत्नांतून हा एक महत्वाकांक्षी प्रकल्प या पर्यटनस्थळी मार्गी लागत आहे. त्यामुळे ही होणारी कामे चांगल्या पद्धतीने टिकाऊ कशी होतील यासाठी चंद्रकांत चौधरी यांनी स्वतः या कामांची पाहणी करून संबंधित ठेकेदाराच्या कामगारांना सूचना दिल्या आहेत.
रस्त्यांची खोदाई केल्यानंतर जे काही मातीचे उत्खनन झाले आहे ती सर्व माती प्लास्टिक पिशव्यांमध्ये एकत्र गोळा करून ठेवल्यास त्या मातीचा उपयोग रस्त्याच्या दुरुस्तीसाठी त्याचप्रमाणे एखाद्या ठिकाणी भरावासाठी अथवा गार्डनमध्ये उपयोगात येऊ शकते त्याप्रमाणे ही सर्व माती गोळा केली जाणार असून रस्ते पूर्ववत करण्यास सांगितले आहे. जेणेकरून ज्या ज्या दुकानासमोर उत्खनन झाले आहे त्या व्यापारी वर्गाला काही त्रास होणार नाही कुणाच्याही मालाचे नुकसान होणार नाही याची ठेकेदाराकडून दक्षता घेतली जाणार आहे. त्यामुळे कामे उत्तम प्रकारे होत असताना कामगारांना नाहक त्रास दिल्यास कामांना गती मिळणार नसून यात वेळ खर्ची होणार आहे.
काही तांत्रिक चुका आढळल्यास स्वयंघोषित इंजिनियर यांनी ठेकेदाराला सूचना केल्यास निश्चितच कामे उत्तम प्रकारे पूर्ण होण्याची शक्यता नाकारता येत नाही असे सुज्ञ नागरिक बोलत आहेत.कामांच्या या पाहणी दरम्यान चंद्रकांत चौधरी यांच्या समवेत एस्टीपी कामाचे अभियंते ,निखिल शिंदे  तसेच अन्य स्थानिक नागरीक उपस्थित होते.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading