उन्हाळी सुट्टीसाठी कोकणात जाणाऱ्यांसाठी आनंदाची बातमी! मध्य आणि कोकण रेल्वे मार्गावर विशेष गाड्या सुरू

PEN न्यूज ऑनलाइन टीम : 

उन्हाळी सुट्टी हा सर्वांच्याच जिव्हाळ्याचा विषय. शालेय आणि महाविद्यालयीन जीवन संपून नोकरीत स्थिरावलेले असले तरीही अनेकांना उन्हाळी सुट्टीचे वेध लागतात. विशेषतः कोकणातील गावी जाणाऱ्यांची संख्या मोठी असते. या पार्श्वभूमीवर, प्रवाशांची वाढती गर्दी पाहता मध्य रेल्वे आणि कोकण रेल्वे प्रशासनाने उन्हाळ्यात विशेष गाड्या चालवण्याचा निर्णय घेतला आहे.

रेल्वे प्रशासनाच्या माहितीनुसार, सीएसएमटी-करमाळी-सीएसएमटी (साप्ताहिक) विशेष रेल्वेगाडी (गाडी क्रमांक 01151 / 01152) 10 एप्रिल ते 5 जून या कालावधीत दर गुरुवारी धावेल.

———————————————————

गाडी क्रमांक 01151: सीएसएमटी ते करमाळी – रात्री 12:20 वाजता प्रस्थान, दुसऱ्या दिवशी दुपारी 1:30 वाजता करमाळी येथे आगमन.

गाडी क्रमांक 01152: करमाळी ते सीएसएमटी – दुपारी 1:15 वाजता प्रस्थान, दुसऱ्या दिवशी रात्री 3:45 वाजता सीएसएमटी येथे आगमन.

———————————————————

 लोकमान्य टिळक टर्मिनस-करमाळी विशेष रेल्वेगाडी (गाडी क्रमांक 01129) देखील 10 एप्रिल ते 5 जून या कालावधीत दर गुरुवारी धावणार आहे.

गाडी क्रमांक 01129: लोकमान्य टिळक टर्मिनस – करमाळी – रात्री 10:15 वाजता प्रस्थान.

———————————————————

सर्व गाड्यांमध्ये 22 डबे असणार असून, प्रवाशांनी कोणतीही गैरसोय होऊ नये म्हणून रेल्वेच्या अधिकृत तिकीट आरक्षण प्रणालीद्वारे तिकीट बुक करण्याचे आवाहन प्रशासनाने केले आहे. त्यामुळे लवकरात लवकर तिकीट आरक्षित करून कोकणातील सुट्टीचा आनंद घ्या!