आश्रय नर्सिंग होम येथे फेको पद्धतीचे मोफत मोतीबिंदू शस्त्रक्रिया शिबिर

नागोठणे (महेंद्र माने) :

डॉ. अजय गुप्ता व डॉ. प्रबोधिनी गुप्ता यांचे आश्रय नर्सिंग होम (गुप्ता हॉस्पिटल) यांच्या रुग्णालयातील 35 वर्षाच्या प्रदीर्घ रुग्ण सेवे निमित्त फेको पद्धतीचे मोफत मोतीबिंदू शस्त्रक्रिया शिबिर सरपंच सुप्रिया महाडिक, डॉ. गंगाराम कोकणे,डॉ. अजय गुप्ता व डॉ. प्रबोधिनी गुप्ता, डॉ.अनिल गीते यांच्या प्रमुख उपस्थितीत नुकतेच आयोजित करण्यात आले. या शिबिराचा 86 रुग्णांनी लाभ घेतला असून त्यामध्ये 40 रुग्णांची शस्त्रक्रिया होणार असून रुग्णांना फेको लेझर फोल्डेबल लेंस बसविणार असल्याची माहिती डॉ. अजय गुप्ता यांनी दिली.

रुग्णालयाला 35 वर्षे यशस्वी रुग्ण सेवेनिमित्त दोन दिवस चाललेल्या या शिबिरात पूर्ण तपासणी करून नोंदणी झालेल्या 86 रुग्णांची डॉ. प्रबोधिनी गुप्ता यांच्या मार्गदर्शनाखाली डॉ. अदित गुप्ता,डॉ. प्रेरणा गुप्ता, डॉ. अनिल जाधव व त्यांच्या सहकाऱ्यांनी तपासणी केली. यासाठी फेको तंत्रज्ञान मशीन उपलब्ध करण्यात आली आहे.

एकुण 40 रुग्णांची टप्पा टप्प्याचे मोतीबिंदू शस्त्रक्रिया करण्यात येणार आहे. यामध्ये रविवार 23 फेब्रुवारी पहिला टप्प्यात 10 रुग्णांवर शस्त्रक्रिया करण्यात आली असून त्यांच्या डोळ्यांना फेको लेझर फोल्डेबल लेंस बसविण्यात आल्याची माहिती डॉ. अजय गुप्ता यांनी दिली.

या कार्यक्रमाला डॉ. आदित गुप्ता डॉ. प्रेरणा गुप्ता, डॉ.सादिया दफेदार, डॉ.विजया माने यांच्यासह विवेक सुभेकर, लिलाधर पाटील, ऑप्टीसियन अजित दळवी, परिचारिका जयश्री मनवे तसेच रुग्ण व नागरिक उपस्थित होते.