आमदारांच्या मध्यस्थीनं माथेरान बंद अखेर मागे; सर्व व्यवहार सुरळीत

माथेरान (मुकुंद रांजणे) : 

दस्तुरी नाक्यावरील फसवणुकीमुळे पर्यटनावर होणाऱ्या विपरीत परिणामामुळे स्थानिकांच्या व्यवसायावर गदा आल्याचा आरोप माथेरान पर्यटन बचाव संघर्ष समितीने करून जोपर्यंत दस्तुरी नाक्यावर फसवणूक आणि पर्यटकांच्या दिशाभूलीचे प्रकार प्रशासन कायमस्वरूपी आटोक्यात आणणार नाहीत तोपर्यंत माथेरान बेमुदत बंद करण्याचा निर्णय समितीच्या वतीने घेण्यात आला होता त्याप्रमाणे दि.१८ मार्च रोजी माथेरान बंद करण्यात आले होते.

यावर तोडगा काढण्यासाठी कर्जत खालापूर मतदार संघाचे आमदार महेंद्र थोरवे यांनी इथे येऊन समितीच्या आणि ज्यांच्यावर पर्यटकांच्या फसवणूकीचे आरोप घोडेवाल्यांवर करण्यात आले आहेत यांची संयुक्त बैठक स्व. बाळासाहेब ठाकरे सभागृहात  आली.

आज दि.१९ रोजी आमदारांनी दुपारी बारा वाजता आयोजित करण्यात आली. यावर आमदारांनी सुयोग्य पद्धतीने तोडगा काढून दस्तुरी नाक्यावर येणाऱ्या पर्यटकांना मुख्य प्रवेशद्वारामधून प्रवेश देण्यात यावा बाकी सर्व घोडेवाले, रूम्स एजंट, कुली यांनी पर्यटकांच्या गाडी भोवती गर्हाडा घालून त्यांना कोणत्याही प्रकारचा त्रास होणार नाही याची दक्षता घ्यावी यासाठी मुख्याधिकारी यांनी या मुख्य प्रश्नावर लक्ष केंद्रित करून ठोस उपाययोजना करावी असे आदेश दिले.

सुरुवातीला दोन्ही गटाचे म्हणणे ऐकून घेतल्यावर आमदारांनी पर्यटक सुखरूप आणि आरामात हॉटेल पर्यंत जायला हवा, दस्तुरी नाक्यावर ज्याप्रकारे पर्यटकांना त्रासाला सामोरे जावे लागते ते होऊ नये यासाठी एकाच गेट मधून सर्व पर्यटक जातील सर्वाना रोजगार उपलब्ध होईल एकदिलाने सर्वांनी या पर्यटनावर आपली उपजीविका करून प्रशासनाला सहकार्य करणे गरजेचे आहे. आमदार महेंद्र थोरवे यांच्या नेतृत्वाखाली शासन व प्रशासन यांच्या सहकार्याने सकारात्मक चर्चा झाली आणि यावर तोडगा काढण्यात आला.

आमदारांनी केलेल्या मध्यस्थीने माथेरान पर्यटन बचाव समितीने पुकारलेला बंद अखेर मागे घेण्यात आला आहे. यावेळी अत्यंत शांत वातावरणात ही बैठकीत संपन्न झाली असून आमदारांनी केलेल्या सूचनांचे पालन प्रशासन कशाप्रकारे अंमलात आणणार याकडे स्थानिकांचे लक्ष लागून राहिले आहे.