आनंदवाडी क्रिकेट प्रिमियर लीगचे आ.प्रवीण दरेकर यांच्याहस्ते उदघाटन

पोलादपूर (शैलेश पालकर) :

कोतवाल बुद्रुक आनंदवाडी ग्रामस्थांच्या वतीने होळी सणाच्या निमित्ताने आनंदवाडी प्रीमियर लीग स्पर्धेचे आयोजन करण्यात आले होते. या स्पर्धेचे उद्धाटन भाजपा गटनेते विधानपरिषद सदस्य प्रवीण दरेकर यांच्याहस्ते करण्यात आले.

आनंदवाडी प्रीमियर लीग क्रिकेट स्पर्धेसाठी आ. दरेकर यांच्या येण्याने सर्व सभासद, ग्रामस्थ यांना उत्साह आला. आ. दरेकर यांनी यावेळी आपण कायम कोतवाल गावाच्या विकासासाठी कटिबध्द असून गावातील तरुण हा भावी पिढीचा एक कणा आहेत,असेही आवर्जून सांगितले.

आनंदवाडी प्रीमियर लीग 2025 च्या उद्धाटन सोहळयात रामचंद्र महाराज शिंदे आणि संतोष बर्गे यांचे मार्गदर्शनही उपस्थितांना मिळाले. यावेळी संतोष शिंदे, जानू ढेबे, राजू ढेबे, विकास बर्गे व इतर कार्यकर्ते मोठया प्रमाणात उपस्थित होते.