आदिवासी संघटना कर्जत यांच्या वतीने डॉ. बाबासाहेब आंबेडकर जयंती उत्साहात साजरी

कर्जत ग्रामीण (मोतीराम पादीर) : 

 विश्वरत्न डॉ. बाबासाहेब आंबेडकर यांची १३४ वी जयंती कशेळे येथील आदिवासी संघटना कार्यालय येथे साजरी करण्यात आली.

यावेळी डॉ. बाबासाहेब आंबेडकर यांच्या फोटोला पुष्पहार अर्पण करून अभिवादन करण्यात आले. शिका संघर्ष करा व संघटीत व्हा भारतीय घटनेचे शिल्पकार विश्वरत्न महामानव डॉ.बाबासाहेब आंबेडकर यांना डोक्यावर नाही तर डोक्यात घेतले पाहिजे तरच परिवर्तन नक्की होईल असेही प्रतिपादन आदिवासी संघटना अध्यक्ष परशुराम दरवडा यांनी केले.

डॉ. बाबासाहेबांनी दाखवलेल्या मार्गावरून चालून आज समाजाची प्रगती होत आहे.सामाजिक दरी दूर करून सर्वसामान्यांच्या उन्नतीचा हा मार्ग आहे. बाबासाहेबांचे सामाजिक व सविधानिक योगदान अमूल्य आहे.आज त्यांच्या जयंतीनिमित्त त्यांचे अभिवादन करण्यात आले.

यावेळी आदिवासी समाज संघटना अध्यक्ष परशुराम दरवडा,सचिव भगवान भगत,काशिनाथ पादीर,दत्तात्रय हिंदोळे, पुष्पा भगत, दिनेश पिंगळा, मारुती लोभी, काशिनाथ निरगुडा, रामचंद्र पादीर,रघुनाथ पादीर,रमेश दळवी, मनोहर डुमणे, बाळू पादीर, आदि  सामाजिक कार्यकर्ते उपस्थित होते.