कोलाड (श्याम लोखंडे) :
रोहा तालुक्यातील तसेच मुंबई गोवा महामार्गालगत आंबेवाडी नाका येथे बुधवार दि. ९ एप्रिल रोजी ९.३० वाजता आंबेवाडी गावाच्या हद्दीत बँक ऑफ महाराष्ट्र इमारती शेजारी असणारे गणेश मंदिरासमोर बायपास रोडच्या शेजारी उताने स्थितीत कोणत्याही प्रकारची हालचाल न करता मयत इसमाचा मृतदेह आढळून आल्याने कोलाड आंबेवाडी नाक्यावर एकच खळबळ उडाली.
सदर घटनेची माहिती मिळताच कोलाड पोलिस ठाण्याचे सपोनि नितीन मोहिते घटनास्थनी धाव घेत दाखल होऊन त्याला आंबेवाडी येथील प्राथमिक आरोग्य केंद्र येथील दवाखान्यात नेण्यात आले. डॉक्टरांनी त्याला तपासून मृत्यू घोषित करण्यात आले असुन मयत झालेल्या इसमाचे नाव लालूलाल सोनजी रेबाली वय वर्षे ४१ रा. बिछोरा जि. चितोडगड,राजस्थान येथील असल्याचे तपासादरम्यान समजते.
