अवर ग्रुप झालं ४२ वर्षांचं; एकोप्यानं धार्मिक कार्यक्रम, जेष्ठ सदस्यांचाही सहभाग

माथेरान (मुकुंद रांजाणे) : 

माथेरानमध्ये शासकीय सेवेत रुजू होऊन इथून अन्य ठिकाणी नोकरी केल्यावर सेवानिवृत्त झाल्यानंतर सुध्दा मुंबईत राहणारे तत्कालीन स्टेशन मास्टर रवींद्र मोरे यांचे माथेरान बद्दलचे प्रेम आजही कमी झालेले नाही. या गवाविषयी आणि इथल्या एकंदरीत भौगोलिक परिस्थिती मध्ये सर्वसामान्य लोकांशी जुळलेली नाळ लक्षात घेता रवींद्र मोरे आणि त्यांचा सर्व मित्र परिवार दरवर्षी येथील ग्रामदैवत श्री. पिसारनाथ महाराज मंदिरात श्री सत्यनारायण महापूजेचे आयोजन करीत आहेत.

दि.११ रोजी त्यांच्या अवर ग्रुपने ह्या पूजेचे आयोजन करीत असल्याचे ४२ वे वर्ष आहे. या गृपने दरवर्षी इथे येऊन पूजेचे सातत्य कायम ठेवले असून त्यांना गावातील नागरिक नेहमीच सहकार्याची भूमिका देत आहेत. या पूजेच्या निमित्ताने ज्या व्यक्ती सेवाभावी उपक्रम अथवा निस्वार्थीपणे लोकांची सेवा करतात.आपल्या मित्र परिवार मधील सेवानिवृत्त होतात अशा मंडळींचा छोटेखानी सत्कार समारंभ सुध्दा आयोजित करत आहेत.यावेळी माथेरान मधील माजी नगरसेवक तथा समाजसेवक चंद्रकांत जाधव,तसेच रेल्वे मधून सेवानिवृत्त झालेले अधिकारी अजित पाटकर, सुशील सावंत यांचा सत्कार करण्यात आला. अवर ग्रुपचे माथेरान मधील सदस्य स्व. हरिभाई मेहता यांना यावेळी श्रद्धांजली अर्पण करण्यात आली.

यावेळी महिला भजन मंडळाचा सुश्राव्य भजनाचा कार्यक्रम आयोजित करण्यात आला. श्री सत्यनारायण महापूजेचे दर्शन घेण्यासाठी भाविकांची गर्दी केली होती. याप्रसंगी माथेरान मधील संदीप दिवाडकर, शैलेश चाफेकर, संतोष कदम,अनंत शेलार,नितीन शाह,अरविंद शेलार प्रविण शाह,निमेश मेहता,सुमन खेडकर यांसह अवर ग्रुपचे डॉ. बिरासदार, हरीश मोंडकर, बीटी परुळेकर, योगेश मोरे, प्रशांत केणी ,अजित पाटकर, रोहन पाटील, प्रशांत घुगरे, विशाल शिंदे ,अजित पाटकर, रोहन पाटील, अनिल करोसिया सुशील सावंत प्रवीण भागवे,प्रमोद मोरे, दिलीप परुळेकर, संगप्पा आदी मंडळी सपत्नीक उपस्थित होते.