अवघ्या सहा वर्षीय परिधीने केला विक्रम, सागरी 12 किमी अंतर पोहून गाठली मुंबई

रायगड (अमुलकुमार जैन) :

उरण, फणसवाडी येथील सामान्य कुटुंबातील सहा वर्षीय परिधी प्रमोद घरत या चिमुर्डीने नवा विक्रम केला आहे. जगविख्यात बंदर घारापुरी ते मुंबई, गेटवे ऑफ इंडिया हे सागरी 12 किमी अंतर तीने अवघ्या 6 तास 5 मिनिटात पोहून पार केले आहे.

परिधी उरण एज्युकेशन स्कुलमध्ये इयत्ता पहिलीमध्ये शिकत असून, तिला पोहण्याची आवड आहे. प्रचंड मेहनत आणी जिद्धीच्या जोरावर तीने हा विक्रम केला असून, परिधीने कोवळ्या वयातच आपले नाव उज्वल केले असल्याची भावना पालकांनी व्यक्त केली आहे.

परिधीने पुढे जाऊन आणखी मोठ्या विक्रमांना गवसणी घालायची असल्याचे म्हटले आहे. तिच्या या विक्रमाची नोंद घेत उरणचे आमदार महेश बालदी सत्कार करत तिला शुभेच्छा दिल्या आहेत. तर तीने केलेल्या विक्रमानंतर तिला शुभेच्छा देण्यासाठी अनेकांनी तिला भेट दिली आहे.