अलिबाग- रेवस मार्गावर चोंढी नजीक कार आणि दुचाकीची जोरदार धडक, एक गंभीर जखमी

अलिबाग/सोगांव (अब्दुल सोगावकर ) :

अलिबाग रेवस मार्गावर चोंढी जवळ चारचाकी आणि दुचाकी यांच्यात झालेल्या आपघातात एक जण गंभीर जखमी झाला. त्याला उपचारासाठी अलिबाग येथील जिल्हा रुग्णालयात दाखल करण्यात आले आहे.

याबाबत मिळालेल्या महितीनुसार, सोमवार दि.25 मार्च रोजी धुळीवंदन च्या दिवशी अलिबाग रेवस मार्गावर चोंढी येथिल हॉटेल साइन नजीक सव्वा चारच्या सुमारास आकाश दास नामक आपली दुचाकी क्रमांक एम.एच. 06 बी.क्यु.1272 अलिबाग बाजूकडून रेवस कडे जात असताना रेवस बाजूकडून अलिबागकडे जाणाऱ्या अनोळखी इसम(नाव माहीत नाही) चारचाकी क्रमांक एम. एच. 43 बी एन 7321 यांच्यात जोरदार धडक होऊन दुचाकीस्वार आकाश दास नामक युवक गंभीर जखमी झाला आहे.

दरम्यान,  यावेळी अपघात करून चारचाकी वाहनचालक वाहनासह पळून जात असता त्याला पकडण्यात स्थानिक तरुणांना यश आले. तोपर्यंत सामाजिक कार्यकर्ते व किहीम सरपंच पिंट्या गायकवाड यांनी आपल्या सहकाऱ्यांसमवेत व रुग्णवाहिकेसह अपघातस्थळी पोहोचून जखमी दुचाकी स्वारला पोलिसांच्या मदतीने जिल्हा रुग्णालयात उपचारासाठी रवाना केले.

अपघातानंतर झालेली वाहतूक कोंडी मांडवा पोलीसांनी घटनास्थळी दाखल होत सुरळीत केली. याबाबत अधिक तपास मांडवा पोलीस करत आहेत.