रायगड जिल्ह्यातील अलिबाग तालुक्यामध्ये येत्या काही दिवसांतच भारतीय जनता पक्षात प्रवेश सोहळा हा मोठ्या दिमाखात पार पडणार असून या पक्ष प्रवेश सोहळ्यासाठी मुख्य मंत्री देवेंद्र फडणवीस यांच्यासहित भारतीय जनता पक्षाचे महाराष्ट्रातील वरिष्ठ पदाधिकारी मंत्री उपस्थित राहणार असल्याची माहिती सुत्रादारे प्राप्त झाली आहे.
रायगड जिल्ह्यातील शेतकरी कामगार पक्षाचे सरचिटणीस जयंत पाटील यांचा भाचा, भगिनी महाराष्ट्र शासनाच्या मत्सयव्यवसाय विभागाच्या राज्यमंत्री कै. मीनाक्षी पाटील यांचे पुत्र माजी जिल्हा परिषद अध्यक्ष ॲड. आस्वाद पाटील उर्फ पप्पुशेठ यांनी आपल्या समर्थक यांच्यासोबत अलिबाग शहरातील रविकिरण हॉटेलमध्ये समर्थकांची चर्चा करण्यासाठी 10 डिसेंबर 2024 रोजी रात्री उशिरा सभा घेतली होती.
या सभेत आस्वाद पाटील यांनी पक्षाचा राजीनामा देत असल्याचे जाहीर केले होते. तदनंतर रात्री उशिरा शेतकरी कामगार पक्षाच्या जिल्हा चिटणीस पदाचा व सदस्य पदाचा राजीनामा हा पक्ष श्रेष्ठी यांच्याकडे पाठवून दिला होता. त्यावेळी उघडपणे जिल्हा परिषद माजी अध्यक्ष आस्वाद पाटील यांनी राजीनामा दिल्यानंतर पाटील कुटुंबीय यांच्यातील वाद चव्हाट्यावर आल्याचे दिसून आले होते.
आस्वाद पाटील यांनी पक्षाचा राजीनामा देण्या पूर्वीचं म्हणजे राज्य कबड्डी संघटनेचे सरकार्यवाह आस्वाद पाटील या आपल्या पदाचा मार्च 2023 राजीनामा दिला होता. त्यावेळी पहिला झटका महाराष्ट्र कबड्डी संघटनेसहित शेकापला दिला होता.
नोव्हेंबर 2024 मध्ये झालेल्या सार्वत्रिक विधान सभा निवडणुक झाली यावेळी पक्षाचे सरचिटणीस जयंत पाटील यांच्या स्नुषा चित्रलेखा पाटील या शेकापच्या उमेदवार असतानाही त्यांचे भाचे आस्वाद पाटील, बंधू माजी आमदार पंडित पाटील हे प्रचारापासून दूर राहिले. निवडणूकीपूर्वीच त्यांनी चित्रलेखा पाटील यांच्या उमेदवारीला विरोध केला होता. या निवडणूकीत चित्रलेखा पाटील यांना पंचवीस हजार हुन अधिक मतांनी पराभवाला सामोरे जावे लागले होते. आस्वाद पाटील यांनी अलिबाग मुरुडचे आमदार तथा महायुतीचे उमेदवार महेंद्र दळवी यांना छुपी मदत केल्याने चित्रलेखा पाटील यांचा पराभव झाला असल्याचीदेखील चर्चा राजकीय वर्तुळात आजही सुरू आहे. कारण शेकापच्या काही मंडळींनी माजी मंत्री रविंद्र चव्हाण यांची भारतीय जनता पक्षाच्या प्रदेशाध्यक्षपदी नियुक्त झाल्यानंतर त्यांचे अभिनंदन सोशल मीडियाद्वारे केले होते.
विधानसभा निवडणूकीचां माहोल संपल्यानंतर आता शेकापमधील पाटील परिवारातील वाद हा उघडपणे चव्हाट्यावर आल्याचे दिसून आले. ॲड. आस्वाद पाटील हयांची भाजप पक्ष श्रेष्ठी यांच्यासोबत चर्चा करून समर्थकांसह भारतीय जनता पक्षात मुख्यमंत्री देवेंद्र फडणवीस तसेच पक्षाचे जेष्ठ नेते यांच्या उपस्थितीमध्ये लवकरच प्रवेश करणार असल्याची चर्चा जिल्ह्यात रंगू लागली होती. आस्वाद पाटील यांच्या या कृतीमुळे मात्र शेतकरी कामगार पक्षाला घरातूनच मोठा धक्का दिला गेला आहे.
आस्वाद पाटील यांच्या समवेत माजी आमदार जयंत पाटील यांचे बंधू माजी आमदार सुभाष पाटील उर्फ पंडित शेठ यांचे सुपुत्र सवाई पाटील, जिल्हा परिषदेच्या माजी अर्थ सभापती चित्रा पाटील, अंबेपुर माजी सरपंच सुमना पाटील यांच्यासहित माजी जिल्हापरिषद सदस्य, पंचायत समिती माजी सभापती, सदस्य, काही विद्यमान सरपंच, उपसरपंच सहित आदी समर्थक भारतीय जनता पक्षात प्रवेश करणार असल्याची माहिती सूत्रांनी दिली आहे.
Leave a Reply
आपण हि बातमी कॉपी करू शकत नाही.
Javascript not detected. Javascript required for this site to function. Please enable it in your browser settings and refresh this page.
Discover more from Pen News
Subscribe now to keep reading and get access to the full archive.