अलिबागमध्ये राजरोसपणे चालणार्‍या वेश्याव्यासायावर पोलिसांची धाड; पती-पत्नीसह वारांगना ताब्यात

Alibag Veshyavyavsay
अलिबाग ( अमुलकुमार जैन ) :
अलिबागजवळील चेंढरे ग्राम पंचायत हद्दीतील ओयो शान हॉटेलमध्ये चालणाऱ्या कुंटणखान्यावर रायगड पोलिस व बांगलादेशी पथकाच्या संयुक्त कारवाईत पती-पत्नीसह पाच जणांना ताब्यात घेण्यात आले आहे. या छाप्यात वेश्याव्यवसाय करताना तीन महिलांची सुटका करण्यात आली असून, 20,500 रुपये रोख आणि 10,000 रुपयांचा मोबाईल जप्त करण्यात आला आहे.
घटना तपशील: चेंढरे येथील ओयो शान हॉटेलमध्ये शैलेश प्रभाकर तांडेल व त्याची पत्नी शलाका शैलेश तांडेल यांच्या देखरेखीखाली कुंटणखाना चालवला जात असल्याची माहिती स्थानिक गुन्हे अन्वेषण विभागाला मिळाली होती. त्यानुसार, अलिबाग पोलिस ठाण्याचे निरीक्षक किशोर साळे यांच्या नेतृत्वाखाली 17 डिसेंबर 2024 रोजी रात्री 11.30 वाजता छापा टाकण्यात आला. या छाप्यात हॉटेलच्या पहिल्या मजल्यावर रिसेप्शनजवळ मुख्य आरोपी पती-पत्नीला अटक करण्यात आली. तसेच, तीन महिलांना वेश्याव्यवसाय करताना ताब्यात घेण्यात आले.
कारवाईचे नेतृत्व:  सदर कारवाई रायगड पोलिस अधीक्षक सोमनाथ घार्गे, उपअधीक्षक विनीत चौधरी यांच्या मार्गदर्शनाखाली, पोलिस निरीक्षक किशोर साळे व स्थानिक गुन्हे अन्वेषण विभागाच्या पथकाने केली. बांगलादेशी पथकानेही या मोहिमेत सहभाग घेतला.
आरोपींकडून जप्त साहित्य: रोख रक्कम: 20,500 रुपये तसेच ओप्पो कंपनीचा 10,000 रुपये किमतीचा मोबाईल
या कारवाईने अलिबाग परिसरातील बेकायदेशीर धंद्यांवर पोलिसांचे लक्ष असल्याचे पुन्हा स्पष्ट झाले आहे.
याबाबत अलिबाग पोलिस ठाण्यात 206/2024 , भारतीय न्याय संहिता 2023चे 143,3(5), स्त्रिया व मुली अनैतिक व्यापार (प्रतिबंध) 3,4, 5नुसार कारवाई केली असून अधिक तपास महीला पोलिस उप निरीक्षक शिंदे या करीत आहेत.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading