अलिबागमध्ये भीषण अपघात: दोन एसटी बसच्या धडकेत तरुणाचा मृत्यू, संतप्त नातेवाईकांचा राडा

अलिबाग (अमूलकुमार जैन) : 

अलिबाग बस स्थानकासमोर राज्य परिवहन महामंडळाच्या दोन एसटी बसचा भीषण अपघात झाला असून, या दुर्घटनेत जयदीप बना या तरुणाचा जागीच मृत्यू झाला. अपघातानंतर संतप्त नातेवाईकांनी घटनास्थळी जोरदार राडा करत बसच्या काचा फोडल्या आणि वाहतूक रोखून धरली.

अपघात इतका भीषण होता की दोन बसच्या धडकेत तरुणाचा मृत्यू झाला, तसेच एका रिक्षेलाही नुकसान झाले. पोलिसांनी परिस्थिती नियंत्रणात आणण्यासाठी मोठी कसरत करत अतिरिक्त बंदोबस्त मागवला आहे.

घटनास्थळी तणावाचे वातावरण असून, पोलिसांकडून जमावाला शांत करण्याचे प्रयत्न सुरू आहेत.