अलिबागमध्ये घरफोडी, लाखोंचा ऐवज लंपास

अलिबाग ( अमुलकुमार जैन ) : 

अलिबाग शहरापासून हाकेच्या अंतरावर असणाऱ्या सुजलाम नगर येथील लंकेश भगवान नागावकर (वय ३८वर्षे,प्लँट.नं.201, फेज-2,अनुप्रभा कॉ. ऑप. हौउ सोसा.) यांच्या कडे घरफोडी होवून अज्ञात चोरट्याने रुपये ५ लाख९४हजार ७०० किमतीचा ऐवज लंपास केला असल्याची तक्रार लंकेश नागावकर यांनी अलिबाग पोलिस ठाण्यात दिली आहे.

याबाबत सविस्तर माहिती अशी की,अलिबाग पोलीस ठाणे हद्दीत दिनांक 30/11/2024 दि. 01/12/2024 दरम्यान मौजे लंकेश नागावकर यांचे राहते घरी प्लँट नं. 201, फेज -2, अनुप्रभा कॉ. ऑप. हौउ सोसायटी, सुजलाम नगर, पिंपळभाट,अलिबाग येथे फिर्यादी यांचे दि.30/11/2024 रोजी सांयकाळी 06.00 वा.ते दि.01/12/2024 रोजी सकाळी 08.00 वाजताचे दरम्यान फिर्यादी यांचे राहते घरी प्लँट.नं.201, फेज-2,अनुप्रभा कॉ. ऑप. हौउ सोसा, सुजलाम नगर, पिंपळभाट,अलिबाग येथे लंकेश नागावकर यांच्या घरात घरफोडी करीत अज्ञात चोरट्याने रु.१,२०,०००/- किमतीचा चार तोळे वजनाचे मंगळसुत्र,६०,०००/- किमतीचा दोन तोळे वजनाचां सोन्याचा हार,६०,००० /- किमतीच्या प्रत्येकी १ तोळे वजनाचे २ सोन्याच्या अंगठया,९०,००० /- किमतीच्या पाच ग्रॅम वजनाच्या ६ चिप,१,०५,०००/- किमतीच्या साडे तीन तोळे वजनाच्या स ६ कानातळे जोड,१५,००० / किमतीची पाच ग्रॅम वजनाची नथ, ४५,०००/-किमतीच्या१.५ तोळे वजनाचेमुलीचे सोन्याचे कानातळे ५ जोड,१५,०००/-किमतीची पाच ग्रॅम वजनाची चैन, ५ ग्रॅम८२,०००/-रुपये रोख रक्कम,२०००/- किंमतीचे चांदीचे २ कॉईन,५०० /- किंमतीचे चांदीचे पैजण २ जोड,२००/-किंमतीचे चांदीचे जोडवी २ जोडअसा एकुण- ५,९४,७०० रूपये ऐवज बंद घराचे सेप्टी डोअरची कडी तोडून स्वत:चे फायदयाकरीता लबाडीच्या हेतुने लंपास केला आहे.

याबाबत अलिबाग पोलीस ठाणे येथे गु.र.नं. 235/2024 BNS 331(3), 331(4), 305 प्रमाणे गुन्हा दाखल करण्यात आला असून अधिक तपास अलिबाग पोलिस ठाण्याचे पोलिस निरीक्षक किशोर साळे यांच्या मार्गदर्शनाखाली महीला पोलिस उप निरीक्षक शिंदे ह्या करीत आहेत.