..अखेर वाल्मिक कराडवर मकोका अंतर्गत कारवाई: केज न्यायालयाचा मोठा निर्णय

Valmik Karad
PEN न्यूज ऑनलाइन टीम : 
बीड जिल्ह्यातील केज न्यायालयाने खंडणी प्रकरणातील आरोपी वाल्मिक कराडबाबत मोठा निर्णय देत त्याच्यावर मकोका अंतर्गत कारवाई केली आहे. न्यायालयाने वाल्मिक कराडची १४ दिवसांसाठी न्यायालयीन कोठडीत रवानगी केली आहे.
वाल्मिक कराडला खंडणी प्रकरणात आज (१४ जानेवारी) न्यायालयात हजर करण्यात आले होते. सरकारी वकिलांनी सीआयडी कोठडीची मागणी केली होती, परंतु न्यायालयाने त्याला १४ दिवसांची न्यायालयीन कोठडी दिली.
वाल्मिक कराड हा केज तालुक्यातील मस्साजोग गावचे सरपंच संतोष देशमुख यांच्या हत्येतील प्रमुख आरोपी असल्याचा दावा विरोधक व ग्रामस्थांनी केला आहे. या हत्येप्रकरणात आधीच आठ आरोपींना अटक झाली असून सर्वांवर मकोका लावण्यात आला आहे. कराडवरही मकोका लागू करण्याची मागणी करण्यात येत होती, जी आता मान्य करण्यात आली आहे.
सीआयडीने खंडणी आणि संतोष देशमुख हत्या प्रकरणात कराडची सखोल चौकशी करण्यासाठी कोठडीची मागणी केली होती. मात्र, न्यायालयाने त्याला न्यायालयीन कोठडी दिली. पोलिस देशमुख हत्या प्रकरणाचे पुरावे गोळा करण्याचे काम करत आहेत.
संतोष देशमुख यांच्या हत्येचा मुख्य सूत्रधार वाल्मिक कराड असल्याचा आरोप होत असून त्यानेच हत्येचा कट रचल्याचा दावा विरोधी पक्षांनी केला आहे. या प्रकरणातील तपास पुढील १४ दिवसांत अधिक तीव्र होण्याची शक्यता आहे.

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading