…अखेर माथेरानचा पाणी पुरवठा सुरळीत: स्थानिकांमध्ये समाधान

...अखेर माथेरानचा पाणी पुरवठा सुरळीत: स्थानिकांमध्ये समाधान
माथेरान ( मुकुंद रांजणे ) : 
सुट्टयांचा हंगाम समीप आलेला असतानाच येथील शारलोट लेक येथील पंपिंग इलेक्टिक ट्राँसफार्मर अभावी बंद असल्याने त्याचप्रमाणे नेरळ येथून होणारा वाढीव पाणी पुरवठा तांत्रिक कारणास्तव दि.११ डिसेंबर पासून बंद करण्यात आला होता. तिथल्या इलेक्ट्रिसाठी ट्राँसफार्मरची आवश्यकता होती. ही समस्या माजी नगराध्यक्ष मनोज खेडकर यांनी आमदार महेंद्र थोरवे यांच्या निदर्शनास आणून दिल्यावर त्यांनी ताबडतोब मार्गी लावली. त्यातच नाताळ हंगामात पाण्याचा प्रश्न मार्गी लागला नाही तर पर्यटकांना माघारी जावे लागणार आणि सर्वांच्या व्यवसायावर गदा येणार ही बाब लक्षात घेऊन माजी नगराध्यक्ष मनोज खेडकर यांनी संबंधित जीवन प्राधिकरणच्या अधिकारी वर्गाशी संपर्क साधला असता पंपिंग मशीन आणण्यासाठी जवळपास ४३ लाख रुपयांच्या निधीची तरतूद करणे आवश्यक होते आणि हे काम आमदारांशिवाय अशक्य होते.
संपूर्ण शहराला प्रतिदिन पंधरा लाख लिटर पाण्याची गरज असते आणि शारलोट तलावातून जेमतेम पाच लाख लिटर इतकाच पाण्याचा उपसा केला जाऊ शकत होता. नवीन पंपिंग मशीन आणण्यासाठी ४३ लाख रुपयांचा निधी आमदारांनी जिल्हाधिकारी रायगड यांच्याशी संपर्क साधून नेरळ माथेरान करिता पाणी योजनेसाठी नवीन पंप आणि मोटार साठी आपत्ती व्यवस्थापन अथवा जिल्हा नियोजन अंतर्गत तातडीने निधीची तरतूद करण्यात यावी असे लेखी पत्र दिल्यानुसार ह्या पाणी पुरवठा योजने साठी जिल्हाधिकारी रायगड यांच्या माध्यमातून निधीची पूर्तता करून नवीन पंप आणि मोटर लावण्यात आली. त्यामुळे आजपासून सुरळीत पाणी पुरवठा चालू आहे.
आमदार महेंद्र थोरवे यांच्या प्रयत्नांतून आणि माजी नगराध्यक्ष मनोज खेडकर यांनी सातत्याने पाठपुरावा केल्यामुळेच ही पाण्याची समस्या संपुष्टात आली आहे अन्यथा ह्या महत्वाच्या सुट्टयांचा हंगामात पर्यटकांना माघारी जाण्याशिवाय पर्याय नव्हता.
——————————————————-
शारलोट लेकवर ट्रान्सफॉर्मर लावल्यानंतर नेरळ येथील पाण्याचा उपसा बंद झाला होता. त्यामुळे शारलोट लेकच्या पाण्याचा उपसा पाच लाख लिटर पर्यंत असल्याने जीवन प्राधिकरण अधिकारी वर्गाने सांगितल्यावरून काहीही करून नेरळ उल्हास नदीचे पाणी वर आणण्यासाठी नवीन पंप आणि मोटार साठी ४३ लाख रुपयांची तरतूद आवश्यक आहे. यादरम्यान आमदार महेंद्र थोरवे हे नागपूर येथे अधिवेशनात होते त्यावेळी त्यांच्याशी संपर्क साधून हा निधी उपलब्ध झाला तरच माथेरानचा पर्यटन व्यवसाय या हंगामात होऊ शकतो अन्यथा कठीण परिस्थिती निर्माण होऊ शकते त्याचवेळी आमदारांनी सुध्दा जिल्हाधिकारी त्याचप्रमाणे प्रधान सचिव ग्रामीण विभाग पाणी पुरवठा मंत्रालय, प्रशांत भामरे मुख्य अभियंता जीवन प्राधिकरण,डेप्युटी इंजिनियर माधवी गरुड यांच्याशी चर्चा करून तातडीने आपत्ती व्यवस्थापन अंतर्गत निधीची तरतूद करण्यास सांगितले त्याप्रमाणे पुढील कार्यवाही पूर्ण होऊन वॉटर पाईप येथे पंप मोटार बसविण्यात आली असून चांगल्या पद्धतीने पाणी पुरवठा सुरळीत चालू झाला आहे.
…मनोज खेडकर — माजी नगराध्यक्ष माथेरान

Leave a Reply

Your email address will not be published. Required fields are marked *

WA_Adv_001-copy

आपण हि बातमी कॉपी करू शकत नाही.

Discover more from Pen News

Subscribe now to keep reading and get access to the full archive.

Continue reading